फाइल तस्बिर
काठमाडौं– सत्ता गठबन्धनमा रहेका दलहरुको बैठक बस्दैछ। अहिले बिहान १० बजे प्रधानमन्त्रीको सरकारी निवास बालुवाटारमा गठबन्धन दलको बैठक बस्न लागेको प्रधानमन्त्रीका स्वकीय सचिव भानु देउवाले जानकारी दिए।
एमसीसीबारे छलफल गर्नका लागि सत्ता गठबन्धनमा रहेका दलहरुको बैठक बस्न लागेको हो। आजको बैठकमा एमसीसीबारे निर्णय गर्ने बताइएको छ। एमसीसी परियोजना संसद्बाट अनुमोदन गराउने विषयमा सत्ता गठबन्धनमा सहमति जुट्न सकेको छैन।
सरकारको नेतृत्व गरेको दल नेपाली कांग्रेस बाहेकका दलहरुबीच एमसीसीलाई लिएर विवाद कायमै छ। नेकपा माओवादी केन्द्र, नेकपा एकीकृत समाजवादी, जनता समाजवादी पार्टी नेपाल, राष्ट्रिय जनमोर्चा यथास्थितिमा नै एमसीसी पास गर्न नहुने बताइरहेका छन्। जसपाभित्र संघीय परिषद् अध्यक्ष बाबुराम भट्टराई भने एमसीसी पास गर्नुपर्ने पक्षमा छन्। तर, अध्यक्ष उपेन्द्र यादव यसमा अझै सकारात्मक देखिएका छैनन्।
व्याख्यात्मक घोषणा गरेर भए पनि एमसीसी पास गर्नुपर्ने विषयमा दलहरुबीच छलफल अघि बढेको छ। दिउँसो १ बजे बस्ने प्रतिनिधिसभाको बैठकअघि नै सत्ता गठबन्धनमा सहमति जुटाउने प्रयास गरिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
