काठमाडौं– आन्तरिक विवादले विभाजनको 'सम्मुख' पुगेको जनता समाजवादी पार्टी (जसपा)को कार्णकारिणी समिति सदस्यहरुको बैठक जारी छ।
ललितपुरको इमाडोलस्थि एक पार्टी प्यालेसमा जारी बैठकमा संसद्मा प्रस्तुत अमेरिकी नियोग मिलेनियम च्यालेञ्ज कर्पोरेशन (एमसीसी) को अनुमोदन लागयत विषयमा छलफल भइरहेको जनाइएको छ।
बैठकका लागि एमसीसी, स्थानीय निर्वाचन लगायतका १२ विषयमा अजेण्डा तय गरिएको भएपनि मुख्य रुपमा एमसीसीका सन्दर्भमा छलफल भइरहेको संघीय परिषद् अध्यक्ष बाबुराम भट्टराईका स्वकीय सचिव रोशन पोखरेलले जानकारी दिए।
जसपामा अध्यक्ष उपेन्द्र यादव र संघीय परिषद् अध्यक्ष भट्टराईबीच टकरावको अवस्था छ। अमेरिकी अनुदान सम्झौता एमसीसीका सन्दर्भमा पनि जसपामा दुई धार छ। अध्यक्ष यादव पक्ष संशोधन नगरी एमसीसी पारित गर्न नहुने पक्षमा छ भने भट्टराई पक्ष जस्ताको त्यस्तै संसद्बाट पारित गर्नुपर्ने पक्षमा छ।
एमसीसीको पक्ष या विपक्षमा उभिने भनेर शनिबारको बैठकबाट निर्णय हुने जसपाका एक कार्यकारिणी सदस्यले जानकारी दिए। 'सबै सदस्यहरुलाई एमसीसी सम्झौता वितरण गरिएको छ। आज एमसीसीबारे घनिभुत छलफल गरेर निर्णयमा पुग्ने भन्ने छ,' ती सदस्यले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782043740-1782045652.jpeg)
-1764146706.png)
