फाइल तस्बिर।
काठमाडौं– नेकपा माओवादी केन्द्रले एमसीसीको विपक्षमा उभिने निर्णय गरेको छ। शुक्रबार बिहान अध्यक्ष पुष्पकमल दाहाल 'प्रचण्ड' निवास खुमलटारमा बसेको उपलब्ध निवर्तमान स्थायी समिति सदस्यहरूको बैठकले गठबन्धन जोगाएर एमसीसीको विपक्षमा मतदान गर्ने निर्णय गरेको हो।
‘हामी निवर्तमान स्थायी समिति सदस्यहरु बैठकमा उपस्थित भएका थियौं। त्यहाँ समग्र घटनाक्रमको विषयमा समीक्षा भयो’, बैठकमा सहभागी नेता लिलामणि पोखरेलले भने, ‘एमसीसीका विषयमा विपक्षमा उभिने निर्णय भयो। यस्तो अवस्थामा गठबन्धन जोगिए जोगाउने, नजोगिए सडक संघर्षमा जाने भन्ने कुरा भएको छ।’
एमसीसीको विपक्षमा उभिएर पनि सरकारमा बस्दा राम्रो सन्देश नजाने भएकाले त्यस्तो अवस्थामा तत्काल सरकारबाट बाहिरिनुपर्ने बैठकले निष्कर्ष निकालेको उनले बताए।
बैठकमा अध्यक्ष ‘प्रचण्ड’ले प्रधानमन्त्री शेरबहादुर देउवा र एमाले अध्यक्ष केपी शर्मा ओलीसँगको संवादका विषयमा समेत बिफ्रिङ गरेका थिए।
बैठकमा बोल्ने अधिकांश नेताहरुले गठबन्धनभन्दा तत्काल एमसीसीको विपक्षमा उभिएर जान सुझाव दिएका छन्। एमसीसीको विपक्षमा उभिएका शक्तिहरुसँग मोर्चाबन्दी गरेर जानुपर्ने मत आएको बताएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779193203.png)
-1764146706.png)
