काठमाडौं– कर्णाली प्रदेश सरकारले सुर्खेतका बाढीपीडित परिवारलाई ३ लाख रुपैयाँका दरले आर्थिक सहयोग दिने निर्णय गरेको छ। मन्त्रिपरिषद्को बुधबारको बैठकले प्रतिपरिवार ३ लाख रुपैयाँ आर्थिक सहयोग दिने निर्णय गरेको प्रवक्ता एवं आर्थिक मामिला तथा योजनामन्त्री विन्दमान विष्टले बताए।
निर्णय सार्वजनिक गर्दै प्रवक्ता विष्टले प्रदेशका विपन्न घरपरिवारको घर निर्माणका लागि भौतिक पूर्वाधार तथा सहरी विकास मन्त्रालयद्वारा पेश गरिएको ‘कर्णाली प्रदेश विपन्न घर निर्माण कार्यक्रम कार्यान्वयन कार्यविधि, २०७८’ का सम्बन्धमा स्वीकृत प्रदान गरेको बताए।
विपन्नहरूको घर निर्माणका लागि हुम्ला र डोल्पामा रु पाँच लाख र अन्य जिल्लामा रु चार लाखका दरले उपलब्ध गराइने उनको भनाइ थियो।‘मुख्यमन्त्री तथा मन्त्रिपरिषद् कार्यालयद्वारा पेश गरिएको ‘प्रशासकीय कार्यविधि नियमित गर्ने ऐन, २०७५’ लाई संशोधन गर्न बनेको विधेयक कर्णाली प्रदेशसभा पेश गर्ने निर्णय गरिएको छ,’ उनले भने, ‘आर्थिक मामिला तथा योजना मन्त्रालयले पेश गरेको ‘कर्णाली प्रदेश बेरुजु व्यवस्थापन सूचना प्रणाली’ कार्यान्वयनमा ल्याउने सम्बन्धमा स्वीकृत प्रदान गर्ने निर्णय बैठकले गरेको छ।’
त्यसैगरी, मन्त्रिपरिषद् बैठकले मुख्यमन्त्री जीवनबहादुर शाहीको सामाजिक सल्लाहकारमा डा नरेशविक्रम ढकाललाई नियुक्त गरेको छ। डा ढकाल गुर्भाकोट नगरपालिका–२ सुर्खेतका स्थायी बासिन्दा हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788000297.png)
-1786602170.png)
-1787821306.jpg)
-1786513116.png)
