काठमाडौं- स्वास्थ्य तथा जनसंख्या मन्त्रालयमा दर्ता नै नभइ नक्सालमा रहेको वात्सल्य नेचुरल आईभीएफ प्रा.ली सञ्चालमा रहेको तथ्य फेला परेको छ।
वात्सल्यले सञ्चालन स्वीकृत नै नलिइ नि : सन्तान दम्पतीको उपचारका नाममा गैरकानुनी रुपमा टेस्टट्यूब बेबी अर्थात् इनभिट्रो फर्टिलाइजेसन (आईभीएफ) सेवा सञ्चालन गर्दै आएको फेला परेको हो।
जनस्वास्थ्य सेवा नियमावली अनुसार आईभीएफ सेवा सञ्चाल गर्न मन्त्रालयबाट इजाजत लिनुपर्ने हुन्छ। मन्त्रालयको गुणस्तर मापन तथा अनुगमन महाशाखाका अनुसार वात्सल्यले अहिलेसम्म इजाजत पाएको छैन।
तर, इजाजत नै नलिइ वात्सल्यले टेस्टट्युब बेबी सेवाका नाममा नि : सन्तान दम्पतीसँग लाखौं रकम असुल्दै आइरहेको छ।
‘वात्सल्यले गैरकानुनी रुपमा टेस्टट्युब बेबी सेवा सञ्चालन मात्र गरेको छैन,’ स्वास्थ्य मन्त्रालयका एक कर्मचारीले नेपाल लाइभसँग भने,‘उपचारका नाममा चर्को रकम असुल्दै ठगीसमेत गर्दै आइरहेको छ।’
ती कर्मचारीका अनुसार वात्सल्यको गैरकानुनी कामका विषयमा मन्त्रालयमा समेत जानकारी आइसकेकोले त्यस विषयमा आवश्यक कारबाही प्रक्रिया अगाडि बढाउने तयारी भइरहेको छ।
वात्सल्यले निसन्तन दम्पतीलाई परीक्षण र टेस्टट्युब बेबी सेवा दिएबापत ४ लाखभन्दा बढीसम्म रकम असुल्दै आएको जानकारीसमेत मन्त्रालयमा आइसकेको ती कर्मचारीले जानकारी दिए।
जनस्वास्थ्य सेवा नियमावली अनुसार आईभीएफ सेन्टर सञ्चालन गर्ने सेन्टरसँग स्त्रीरोग सेवा, बहिरंग सेवा, प्रयोगशाला शुक्रकिट परीक्षण, यूएसजी सेवा, अप्रेसन थियटर, इम्ब्रोलोजी प्रयोगशाला, आकस्मिक सेवाका लागि कुनै एक अस्पतालसँगको सम्झौता गरेको लगायतका मापदण्ड पूरा गरेको हुनु पर्दछ।
तर, वात्सल्यले यी सबै मापदण्ड समेत पुरा नगरेको मन्त्रालयका ती कर्मचारी बताउँछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788000297.png)
-1786602170.png)
-1787821306.jpg)
-1786513116.png)
