सरकारी प्रक्रिया छलेर कामदार विदेश नपठाउन श्रममन्त्रीको आग्रह

श्रम-रोजगार

नेपाल लाइभ बुधबार, फागुन ११, २०७८ ०८:५०

काठमाडौं– श्रम, रोजगार तथा सामाजिक सुरक्षामन्त्री कृष्णकुमार श्रेष्ठले सरकारी प्रक्रियालाई छलेर कामदार विदेश पठाउन नहुने बताएका छन्।

स्थानीय तहका प्रमुखहरूसँग मंगलबार श्रम मन्त्रालयमा भएको छलफलमा उनले सरकारी प्रक्रियाभन्दा बाहिरबाट सम्झौता गरी कोरियालागयत अन्य देशमा कामदार पठाउन नहुनेमा जोड दिएका हुन्।

मन्त्री श्रेष्ठले कोरियामा कामदार आपूर्तिबारे कोरिया र नेपाल सरकारबीच समझदारी भएको स्मरण गराउँदै म्यादी कामदार पठाउन पनि सरकारीस्तरबाट टुङ्गो लगाउनुपर्ने बताए। स्थानीय तहका प्रमुखहरुले कोरियाका केही कम्पनीले आफ्नो क्षेत्रका युवालाई म्यादी कामदारका रूपमा लैजान प्रस्ताव गरेको सन्दर्भमा उनले त्यसो बताएका हुन्।

म्यादी कामदार पठाउँदा भविष्यमा उनीहरूलाई कुनै समस्या परे कोरिया सरकार जवाफदेही नहुने हुनाले उद्धार र सहयोग गर्न असहज वास्तविकता प्रस्तुत गर्दै उनले दक्षिण कोरिया, जापान, क्यानाडालगायत युरोपेली मुलुकका कम्पनीबाट पनि म्यादी कामदारको माग भएको र त्यसबारे सरकारले शीघ्र निर्णय गर्ने जानकारी दिए। हाल सरकारले वैदेशिक रोजगारीमा म्यादी कामदारका रूपमा जान श्रम स्वीकृति दिएको छैन।

छलफलमा व्यास नगरपालिका तनहुँका प्रमुख बैकुण्ठ अर्याल, चन्द्रागिरि नगरपालिका प्रमुख घनश्याम गिरी, कमलामाई नगरपालिका प्रमुख खड्गबहादुर खत्री, तिलोत्तमा नगरपालिका प्रमुख वासुदेव घिमिरेलगायत सहभागी थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यमनको इन्धन बन्दरगाहमा अमेरिकी आक्रमणमा परी ५८ जनाको मृत्यु

दर्ता नगरे फेसबुक लगायतका सामाजिक सञ्जालमाथि प्रतिबन्ध लगाइन्छ : मन्त्री गुरुङ

गभर्नरमा भट्टको योग्यता नपुग्ने भन्दै सर्वोच्चमा रिट दर्ता