‘बधाई दो’ले पहिलो सातामा कमायो साढे ७ करोड

समाचार

नेपाल लाइभ बिहीबार, फागुन ५, २०७८ १०:४७

काठमाडौं– शुक्रबारदेखि प्रदर्शनमा आएको फिल्म ‘बधाई दो’ले प्रदर्शनको पहिलो साता साढे ७ करोड भारतीय रुपैयाँको व्यापार गरेको छ।

राजकुमार राव र भूमि पेडनेकरको मुख्य अभिनय रहेको फिल्म ‘बधाई दो’ले शुक्रबार प्रदर्शन भएदेखि बिहीबारसम्म कूल साढे ७ करोड भारतीय रुपैयाँको व्यापार गरेको हो।

प्रदर्शनको पहिलो दिन फिल्मले १ करोड ६५ लाख भारतीय रुपैयाँको व्यापार गरेको थियो। त्यस्तै, दोस्रो दिन २ करोड ७२ लाख भारतीय रुपैयाँ र तेस्रो दिन साढे ३ करोड भारतीय रुपैयाँको व्यापार गरेको थियो। बिहीबारसम्मको प्रदर्शनमा फिल्मले कूल साढे ७ करोडको व्यापार गरेको छ।

हर्षबर्धन कुल्कर्नीको निर्देशनमा बनेको यो फिल्ममा ‘तेस्रो लिंगी’ समुदायको कथा प्रस्तुत गरिएको छ। फिल्मले ‘गे’ पुरुष र ‘लेस्बियन’ महिलाको पारिवारिक दबाबका कारण भएको विवाह र त्यसपछिको कथालाई प्रस्तुत गरेको छ।

फिल्ममा राजकुमार राव र भूमि पेडनेकरसँगै सिमा पह्वा, सिबा चड्डा, गुल्सन डेभैआ, चुम दराङलगायतका कलाकारको अभिनय रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेपालको पासपोर्ट झन कमजोर बन्यो

काठमाडौंका यी स्थानमा आज विद्युत आपूर्ति नहुने

राष्ट्रपति रामचन्द्र पौडेलद्वारा पृथ्वीनारायण शाहको शालिकमा माल्यार्पण (तस्वीरहरू)