काठमाडौं– निर्वाचन आयोगका पदाधिकारीहरूले आउँदो स्थानीय तहको निर्वाचनका लागि लाग्ने अनुमानित खर्चबारे प्रधानमन्त्री शेरबहादुर देउवालाई जानकारी गराएका छन्।
मंगलबार प्रधानमन्त्रीनिवास बालुवाटारमा भएको छलफलमा आयोग पदाधिकारीहरुले स्थानीय निर्वाचनका लागि १० देखि १२ अर्ब रुपैयाँ खर्च लाग्ने बताएका हुन्।
‘निर्वाचन कहिले गर्ने र त्यसका लागि कति खर्च लाग्छ भन्ने विषयमा पनि प्रधानमन्त्रीज्यूसँग कुराकानी भयो’, छलफलमा सहभागी आयोगका एक पदाधिकारीले भने, ‘स्थानीय निर्वाचन सम्पन्न गर्न १० देखि १२ अर्ब खर्च लाग्ने आयोगको अनुमान छ। सोही व्यहोरा उहाँलाई अवगत गराएका छौं।’
भेटमा आउँदो जेठ ४ गते स्थानीय निर्वाचन गर्ने ‘सहमति’ भएको छ। प्रधानमन्त्रीले सोही अनुसार तयारी गर्न आयोगलाई भनेका छन्। आउँदो मन्त्रिपरिषद् बैठकबाट निर्वाचनको मितिबारे निर्णय गर्ने प्रधानमन्त्रीले बताएका थिए।
आयोगले पनि जेठ ४ निर्वाचन तयारीका लागि पर्याप्त समय रहेको बताएको छ। जेठ ४ मा एकैचरणमा निर्वाचन गर्ने आयोग र प्रधानमन्त्रीबीच ‘सहमति’ भएको छ।
‘हामीले जेठ ४ गते नै निर्वाचन गर्नुपर्ने भनेर प्रधानमन्त्रीसमक्ष प्रस्ताव गरेका थियौं। उहाँले त्यही मिति उपयुक्त छ भन्नुभयो,’ प्रधानमन्त्रीको भनाई उधृत गर्दै प्रमुख निर्वाचन आयुक्त दिनेश थपलियाले भने, ‘उहाँले एकै चरणमा निर्वाचनको आवश्यक तयारी गर्न निर्देशन दिनुभएको छ।’
प्रधानमन्त्रीले छलफलका क्रममा निर्वाचनका लागि आवश्यक सुरक्षा व्यवस्थाको सबै तयारी गृह मन्त्रालयले गर्ने भन्दै आयोगका तर्फबाट तयारी गर्न निर्देशन दिएका हुन्।
प्रमुख निर्वाचन आयुक्त थपलियाले सरकारले निर्णय गरेकै दिनदेखि आयोगले पनि निर्वाचनको आवश्यक तयारी अघि बढाउने बताए। ‘सरकारले निर्णय गरेको दिनदेखि नै हामीले पनि तीव्र रुपमा तयारी अघि बढाउँछौं,’ उनले भने।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
