बिहीबार सेयर बजारमा सामान्य वृद्धि, कारोबार रकम भने ३ अर्ब ३४ करोडमा सीमित

बैंक/बिमा/सेयर

नेपाल लाइभ बिहीबार, माघ १३, २०७८ १५:५०

काठमाडौं– साप्ताहिक कारोबारको अन्तिम दिन आज (बिहीबार) सेयर बजार सामान्य बढेको छ। यसअघि साताका चार कारोबार दिन (आइतबार–बुधबार) भने बजार लगातार ओरालो लागेको थियो।

बिहीबार सेयर बजार परिसूचक (नेप्से) ३.३३ अंकले बढेर २७७९.९८ बिन्दुमा पुगेको छ। साताको चौथो कारोबार दिन बुधबार नेप्से ३८.८२ अंकले घटेर २७७६.६५ बिन्दुमा झरेको थियो।

बिहीबार 'क' वर्गका कम्पनीहरुको कारोबार मापन गर्ने सेन्सेटिभ परिसूचक पनि ०.३८ अंकले बढेर ५१८.७२ विन्दुमा पुगेको छ। पछिल्लो केहि कारोबार दिनमा सेयर बजारमा परिसूचकसँगै कारोबार रकम पनि घट्दै गएको छ। आइतबार आठ अर्ब रुपैयाँभन्दा माथि पुगेको कारोबार रकम बिहीबार तीन अर्ब ३४ करोड ३४ लाख १३ हजार रुपैयाँमा सीमित भएको छ।

बिहीबार कारोबारमा आएका १३ समूहमा ६ समूहको सेयर मूल्य घटेको छ। बाँकी समूहको सेयर मूल्य बढेको छ। आज २ कम्पनीको सेयर मूल्यमा सकारात्मक सर्किट लागेको छ। विन नेपाल लघुवित्त वित्तीय संस्था लिमिटेड र बुद्धभूमि नेपाल हाइड्रोपावर कम्पनी लिमिटेडको सेयर मूल्यमा सकारात्मक सर्किट लागेको हो।

नेप्सेमा आज कूल २२४ वटा कम्पनीको ६६ लाख ७५ हजार २ सय ७१ कित्ता सेयर खरिदबिक्री भएको छ। आज कारोबार रकममा नेशनल लाईफ इन्स्योरेन्स कम्पनी अगाडि रह्यो। यो कम्पनीको २० करोड २ लाख ६ सय ९७ रूपैयाँको कारोबार भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भूकम्पविद् डा शिव सुवेदीको दोहोरी गीत 'फेरियौ मायालु' सार्वजनिक

पहिलो त्रैमासको आर्थिक वृद्धिदर ३.४ प्रतिशत , निर्माण क्षेत्र अझै ऋणात्मक

चीन भूकम्पमा मृत्यु हुनेको सङ्ख्या ९५ पुग्यो