आईपीओ निष्कासन गर्दै धौलागिरि लघुवित्त, बिक्री प्रबन्धकमा सनराइज क्यापिटल

बैंक/बिमा/सेयर

नेपाल लाइभ बुधबार, माघ १२, २०७८ २०:५०

काठमाडौं- धौलागिरि लघुवित्त वित्तीय संस्था लिमिटेडले सर्वसाधारणका लागि साधारण सेयर (आईपीओ) निष्काशन गर्ने भएको छ। कम्पनीले सर्वसाधारणका लागि जारी गर्नुपर्ने तीन लाख कित्ता आईपीओ निष्कासनका लागि सनराइज क्यापिटललाई निष्काशन तथा बिक्री प्रबन्धकमा नियुक्त गरेको जानकारी दिएको छ।

बुधबार संस्थाका प्रमुख कार्यकारी अधिकृत मीनबहादुर बोहरा तथा सनराइज क्यापिटलका प्रमुख कार्यकारी अधिकृत विजयलाल श्रेष्ठले सम्झौतापत्रमा हस्ताक्षर गरेका छन्।

हाल यो कम्पनीको चुक्ता पुँजी सात करोड रुपैयाँ रहेको छ। आईपीओ निष्कासनपश्चात् कम्पनीको चुक्ता पुँजी १० करोड रुपैयाँ पुग्ने कम्पनीले जनाएको छ। कम्पनीको यस अवधिसम्म कूल कर्जा लगानी एक अर्ब ४४ करोड रुपैयाँ, निक्षेप संकलन ६२ करोड १४ लाख रहेकोमा अन्तरबैंक सापटी ६१ करोड ८० लाख रुपैयाँ रहेको छ।

हाल जगेडा तथा कोषहरुतर्फ कूल १० करोड ३८ लाख रुपैयाँ रहेको छ। आर्थिक वर्ष २०७७/७८ को असार मसान्तसम्ममा वित्तीय संस्थाको वितरणयोग्य मुनाफा दुई करोड ६० लाख रुपैयाँ रहेकोमा पुस मसान्तमा उक्त यस्तो मुनाफा चार करोड नौ लाख रुपैयाँ पुगेको छ।

गत आर्थिक वर्ष २०७८/७९ को पुस मसान्तमा प्रतिसेयर आम्दानी ५०.१२ रुपैयाँभन्दा बढी कायम गरेकोमा चालु आवको पुस मसान्तसम्ममा प्रतिसेयर ६१.४५ रुपैयाँ पुगेको संस्थाले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भूकम्पविद् डा शिव सुवेदीको दोहोरी गीत 'फेरियौ मायालु' सार्वजनिक

पहिलो त्रैमासको आर्थिक वृद्धिदर ३.४ प्रतिशत , निर्माण क्षेत्र अझै ऋणात्मक

चीन भूकम्पमा मृत्यु हुनेको सङ्ख्या ९५ पुग्यो