विराटनगर- प्रदेश १ मा पछिल्लो २४ घण्टामा थप एक हजार १६ जनामा कोरोना संक्रमण पुष्टि भएको छ।
सामाजिक विकास मन्त्रालयका अनुसार एक हजार ४९२ जनाको पीसीआर परीक्षण गर्दा ६९० जना तथा ९०५ जनाको एन्टिजेन परीक्षण गर्दा ३२६ जनामा कोरोना संक्रमण भएको हो।
पीसीआर परीक्षणका क्रममा मोरङमा ३०२, सुनसरीमा २०७, झापामा १२८, धनकुटामा आठ, तेहृथुममा सात, इलाममा चार, उदयपुरमा तीन, संखुवासभामा दुई, भोजपुरमा एक र प्रदेशबाहिरका २८ जनामा कोरोना संक्रमण पुष्टि भएको हो।
मोरङको विराटनगरका २४५, सुन्दरहरैचाका १७, बेलबारीका आठ, बूढीगंगा र उर्लाबारीका पाँच/पाँच, कटहरी र स्थानीय तह नखुलेका चार/चार, लेटाङ, कानेपोखरी, केराबारी, रतुवामाई र रंगेलीका दुई/दुई, ग्रामथान, मिक्लाजुङ, जहदा र धनपालथानका एक/एक, सुनसरीको धरानका ११३, इटहरीका ५२, इनरुवाका नौ, दुहवीका सात, रामधुनीका ६, हरिनगर, देवानगञ्ज र गढीका तीन/तीन, बर्जु, बराहक्षेत्र र कोसी गाउँपालिकाका दुई/दुई र स्थानीय तह नखुलेका पाँच जनामा कोरोना देखिएको हो।
यसैगरी झापाको विर्तामोडमा ३१, भद्रपुरमा १९, कनकाईमा १५, अर्जुनधारामा १४, मेचीनगरमा १२, दमकमा ११, बुद्धशान्तिमा आठ, शिवसताक्षीमा ६, गौरादह, कमल गाउँपालिका र स्थानीय तह नखुलेका तीन/तीन, बाहृदशी, कचनकवल र झापा गाउँपालिकामा एक/एक, धनकुटाको धनकुटा नगरपालिकामा पाँच, पाख्रिबास, साँघुरीगढी र स्थानीय तह नखुलेका एक/एक जना रहेका छन्।
मन्त्रालयका अनुसार तेहृथुमको म्याङलुङमा पाँच, लालीगुराँस र स्थानीय तह नखुलेका एक/एक, इलामको चुलाचुलीमा दुई, इलाम नगरपालिका र देउमाईमा एक/एक, उदयपुरको त्रियुगा, रौतामाई र स्थानीय तह नखुलेका एक/एक, सङ्खुवासभाको खाँदबारी र स्थानीय तह नखुलेका एक/एक, भोजपुरको भोजपुर नगरपालिकामा एक र प्रदेशबाहिरका २८ जनामा कोरोना संक्रमण देखिएको छ।
प्रदेशमा आज १५२ महिलासहित ३२२ जना कोरोना संक्रमणबाट मुक्त भएका छन्। पछिल्लो २४ घण्टामा कोरोना संक्रमणबाट एक महिलाको मृत्यु भएको छ। प्रदेशमा सक्रिय संक्रमितको संख्या छ हजार ८२१ रहेको मन्त्रालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786360041.jpg)
-1786602170.png)
-1786513116.png)
