सेयर बजार ५.९२ अंकले घट्यो, कारोबार रकम पाँच अर्बमा सीमित

बैंक/बिमा/सेयर

नेपाल लाइभ मंगलबार, माघ ११, २०७८ १५:२४

काठमाडौं- साताको तेस्रो कारोबार दिन मंगलबार पनि सेयर बजारमा गिरावट आएको छ। यस दिन पुँजी बजार मापन परिसूचक नेप्से ५.९२ अंकले घटेर २८२४.७४ बिन्दुमा ओर्लिएको छ।

साताको दोस्रो कारोबार दिन सोमबार पनि सेयर बजारमा भारी गिरावट आएको थियो। सोमबार नेप्से १००.१० अंकले घटेर २८२०.४१ बिन्दुमा आइपुगेको थियो।

यसैगरी, सातको दोस्रो कारोबार दिन सोमबार १८.२० अंकले घटेको क वर्गका कम्पनीको कारोबार मापन गर्ने सेन्सिटिभ इन्डेक्स आज पनि १.१७ अंकले ओरोलो लागेर ५२४.८६ बिन्दुमा झरेको छ।

नेपाल स्टक एक्सचेन्जका अनुसार आज सेयर कारोबार रकममा पनि अघिल्लो दिनको तुलनामा गिावट आएको छ।

सोमबार आठ अर्ब ८८ करोड ८८ लाख १३ हजार ११७ रुपैयाँ बराबरको कारोबार भएको सेयर बजारमा मंगलबार पाँच अर्ब ३९ करोड ५७ लाख ७२ हजार रुपैयाँमात्र कारोबार भएको छ।

आज २२९ कम्पनीको ९७ लाख ८४ हजार ६५१ कित्ता सेयर किनबेच भएको छ। कारोबारमा आएकामध्ये ८६ कम्पनीको सेयर मूल्यमात्र बढेको छ।

बाँकी १२१ कम्पनीको सेयर मूल्य घटेको छ भने २२ कम्पनीको सेयर मूल्य यथावत रहेको छ। आज कारोबारमा आएका दुई कम्पनीको सेयर मूल्यमा सकारात्मक सर्किट लागेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सिद्धबाबा सुरुङ अब ८ मिटर मात्र खन्न बाँकी

सल्यानमा दिदी बहिनी घरभित्रै मृत भेटिए, घटना शंकास्पद

२०८७ मा मात्र संविधान संशोधन हुन्छ भन्ने प्रधानमन्त्रीको अभिव्यक्तिमा विश्वप्रकाशको आपत्ति