काठमाडौं- क्यामरुनको राजधानी याओंदेमा रहेको एक लोकप्रिय नाइटक्लबमा आगलागी हुँदा कम्तीमा १६ जनाको मृत्यु भएको छ। क्लबमा गरिएको आतसबाजीका कारण ग्यास सिलिण्डर पड्किएर आगलागी भएको बताइएको छ।
राजधानीको अपमार्केट बास्टोस जिल्लामा रहेको लिभ्स नाइट क्लबको मुख्य कोठामा आगलागी भएको हो। खाना पकाउने ग्यास भण्डारण गरिएको स्थानमा आगलागी भएको अधिकारीहरूले बताएका छन्।
‘हामी अझै पनि मृतक र घाइतेहरूको नाम र राष्ट्रियता पत्ता लगाउन अनुसन्धान गरिरहेका छौं,’ सरकारका प्रवक्ता रेने इमानुएल सादीले आइतबार भने।
यस आगलागीमा माथिल्लो क्षेत्रमा रहेको राजदूतावास र कुटनीतिज्ञ निवास रहेको भवनमा सञ्चालित नाइट क्लबको मुख्य कोठामा क्षति पुगेको छ।
उनका अनुसार आतिसबाजीबाट भएको विष्फोटका कारण भवनको छतमा क्षति पुगेको छ। यस्तै, दुई ठूलो विस्फोटका कारण भागदौड मच्चिएको थियो।
‘छ वटा ग्यासका सिलिण्डरहरू विस्फोट भएको थियो, जसले छिमेकमा भागदौड मच्चाएको थियो,’ सरकारी विज्ञप्तिमा भनिएको छ, ‘अन्य आठ जना घाइते भएका छन्। उनीहरुलाई केन्द्रीय अस्पतालमा लगिएको छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788061592.webp)
-1786602170.png)
-1786513116.png)
