काठमाडौं- कोरोना भाइरसको ओमिक्रोन भेरियन्ट नियन्त्रणका लागि सरकारद्वारा जारी निषेधको आदेशको विरोधमा हजारौं प्रदर्शनकारीले ब्रसेल्समा विरोध प्रदर्शन गरेका छन्।
ओमिक्रोनको लहरका कारण संक्रमण उच्च विन्दुमा पुगेको भन्दै सरकारले नियन्त्रणका लागि नियमित गतिविधिमा कडाइ गर्ने घोषणा गरेको छ।
बेल्जियमको राजधानी हुँदै युरोपेली संघको केन्द्रमा आइतबार भएको प्रदर्शनलाई यहाँ भएका केही ठूला प्रदर्शनमध्ये एक रहेको एएफपीका रिपोर्टरहरूले समाचारमा जनाएका छन्।
प्रदर्शनका क्रममा ठाउँठाउँमा प्रहरीसँग झडप भएको बताइएको छ। उत्तरी फ्रान्सको लिलेबाट आएकी फ्रान्सस्का फनाराले भने, ‘सन् २०२० देखि जे भइरहेको छ, त्यसले मानिसहरूलाई भ्रष्टाचारबाट ब्यूँझाउन अनुमति दिएको छ। म गलत नियमविरूद्ध प्रदर्शन गर्न आएको हुँ।’
प्रदर्शनमा सहभागी पोर्चुगलका अडोल्फो बार्बोसाले नियन्त्रणका लागि घोषित नियमलाई मानव स्वास्थ्यका लागि भन्दै लादिएको तानाशाही शासन भएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788061592.webp)
-1786602170.png)
-1786513116.png)
