काठमाडौं- टाटा टिगोरले ग्लोबल एनक्यापको सुरक्षा रेटिङमा 'फोर स्टार' पाएको छ। टाटा मोटर्सको आधिकारिक बिक्रेता सिप्रदी ट्रेडिङ प्रालिका अनुसार पछिल्लो महिनाहरूमा बजारमा आफूलाई बलियो गरी उभ्याएको टाटा टिगोरले ग्लोबल एनक्यापको फाइभ स्टार रेटिङमा फोर स्टार पाएको हो। ग्लोबल एनक्यापको सुरक्षा रेटिङमा फोर स्टार पाएको जानकारी दिँदै टाटा मोटर्सले ग्राहकहरूको सुरक्षालाई सधैँ उच्च प्राथमिकतामा राखेको दाबी गरेको छ।
तीन वर्षदेखि नेपाली अटोबजारमा महत्त्वपूर्ण हिस्सा ओगटेको टाटा टिगोरले विश्वव्यापी मान्यताप्राप्त बेन्चमार्क ग्लोबल एनक्यापको रेटिङ पाएपछि अझ बढी विश्वसनीय सवारीको रुपमा उभिएको कम्पनीको दाबी छ। टाटा टिगोरले नेपाली बजारमा हुन्डाइको अउरा, फोर्डको एस्पाइर र होन्डाको अमेजसँग प्रतिस्पर्धा गर्दै आएको छ। होन्डाको अमेजले ग्लोबल एनक्यापमा फोर स्टार पाएको छ भने फोर्डको एस्पाइरले थ्री स्टार रेटिङ पाएको छ।
नयाँ टिगोर इम्प्याक्ट २.० मा आधारित भएकाले बाहिरी भागमा बोल्ड, कन्फिडेन्ट र सार्प लुक्स छ भने भित्री भागले प्रिमियम र कम्फर्टेबल यात्राको अनुभूति दिने कम्पनीका एक अधिकारीले बताएका छन्।
टाटा टिगोरले डिप रेड, एरिजोना ब्लु, प्रलेसेन्ट ह्वाइट, प्योर सिल्भर र डेटोना ग्रेजस्ता कलरमा गाडीलाई बजारमा उपलब्ध गराएको छ। बजारमा टाटा टिगोरको मूल्य २८ लाख ९९ हजारदेखि ३९ लाख ९५ हजारसम्म रहको कम्पनीले जानकारी दिएको छ।
टाटाका सवारी नै किन रोज्ने?
अटो उद्योगक्षेत्रमा टाटा मोटर्सको नाम विश्वास र सर्वोत्कृष्ट प्रविधिसँग परिचित रहेको कम्पनीको दाबी छ। यस्तै, टाटा मोटर्स नेपाली जनताको आवश्यकता र चाहनामा आधारित कारहरू उपलब्ध गराउने क्षमताका लागिसमेत परिचित रहेको छ। ग्राहकहरूको सुरक्षा सर्वोच्च प्राथमिकताको क्षेत्र भएको टाटा मोटर्सका प्रयोगकर्ताहरु बताउँछन्।
टाटा मोटर्सका एक अधिकारी भन्छन्, ‘हामीले हाम्रा उपभोक्ताहरूलाई निरन्तर रुपमा गुणस्तरीय सेवा दिन प्रयास गरेका छौं। जसले गर्दा हामीलाई डिजाइन, सुरक्षा र पर्फमेन्सको क्षेत्रमा उत्कृष्ट बनाएको छ।’
ग्राहकले गाडी किन्नु ठूलो भनेको ठूलो लगानी हो। उनी भन्छन्, ‘यो एक पटकको लगानीमात्र होइन। त्यसैले हामीसँग नेपालभर फैलिएका डिलर र सेवाको नेटवर्क छन्। यसबाहेक ग्राहकहरूले वास्तविक स्पेयर पार्ट्सहरू सजिलैसँग पहुँच गर्न सक्छन्।’
टाटा मोटर्सले हालसम्म तय गरेको उन्नत पक्ष
टाटा मोटर्सले विगत एक दशकदेखि सवारीसाधनको विस्तृत दायरा प्रदान गरेर आफूलाई स्थापित गर्न सक्षम भएका ती कर्मचारी अधिकारी बताउँछन्। यो सम्पूर्ण सिप्रदी/टाटा मोटर्स टिमको लागि रोमाञ्चक यात्रा भएको भएको उनको बुझाइ छ। उनी भन्छन्, ‘यो समूहको निरन्तर प्रयास र परिश्रमविना सम्भव हुने थिएन। हामीले उपभोक्ताको आवश्यकता र चाहनालाई सधैं ध्यानमा राखेका छौं। त्यस कारण हामीले पहिलेको तुलनामा विस्तृत शृंखलाका गाडीहरू जस्तै, ह्याचब्याक, सेडान, सीयूभी र एसयूभी प्रदान गर्दै आइरहेका छौं। यी गाडीहरू म्यानुअल, अटोमेटिक साथै इलेक्ट्रिकमा पनि उपलब्ध छन्।’
यस्तै, एचफाएभ र सफारी ल्यान्डरोभरको पौराणिक डीएट प्लेटफर्मबाट ओमएजीएआरसीमा आधारित रहेको उनले बताए। टाटा मोटर्स आफ्ना प्रतिस्पर्धीहरूको तुलनामा सुरक्षा रेटिङमा पनि उत्कृष्ट रहेको उनले बताए।
टाटा मोटर्सको सेवा
टाटा मोटर्सले आफ्ना ग्राहकलाई नेपालभर रहेका १९ डिलर्स नेटवर्कबाट सेवा दिइरहेको छ। यी १९ वटा डिलर्सबाट ग्राहकले टाटा गाडी खरिद गर्न सक्ने छन्। टाटाको खरिद गर्न यसले अनलाइन बुकिङ साइट पनि रहेको छ। यहाँबाट ग्राहकले सजिलैसँग सवारी साधनको डेमो र हाम्रो उत्पादन दायरासम्बन्धी जानकारी लिनसक्ने व्यवस्था रहेको कम्पनीका ती अधिकारी बताउँछन्। ग्राहकले यो साइटबाट सजिलै गाडी खरिद गर्नसक्ने छन्। यसरी गाडि खरिद गर्दा ग्राहकले फोन पे, कनेक्ट आईपीएस वा ईसेवाबाट यसको पैसा तिर्नसक्ने व्यवस्था रहेको छ।
नेपालको अटो व्यवसायमा टाटा मोटर्स
बजार साझेदारीको (मार्केट सेयर) हिसाबले हामी नेपालको अटोमोटिभ उद्योगमा तेस्रो स्थानमा रहेको छ। टाटा मोटर्स कम्पनी नेपाली बजारमा बीएससिक्स कारहरु पूर्ण दायरामा लञ्च गर्ने पहिलो कम्पनी हो। टाटाले उपभोक्ताहरूको प्राथमिकतालाई ध्यानमा राख्दै ह्याच, एसयूभी, सीयूभी र सेडान उचित मूल्यमा उपलब्ध गराउने गरेको छ। टाटा सेल्स, सर्भिस र स्पेयर नेटवर्क नेपालभर वितरण गरिएको छ।
टाटा अन्य ब्रान्डहरूसँग प्रतिस्पर्धा गर्नुको सट्टा आफैंसँग प्रतिस्पर्धा गर्ने यस कम्पनीका अधिकारी बताउँछन्। टाटाले नेपाली उपभोक्तालाई उत्कृष्ट सेवा र सवारी साधन पुर्याउन पहिलेभन्दा राम्रो हुने प्रयासमा गरेको उनको बुझाइ छ।
टाटा मोटर्सको विद्युतीय मोटर र मध्यमवर्ग लक्षित योजना
नेक्सोन ईभीको सुरुआतसँगै टाटाले आफ्ना ग्राहकहरुको प्रतिक्रियाबाट उत्साहित भएको जानकारी दिएको छ। 'यस कुरालाई ध्यानमा राख्दै हामीले ईभीका लागि पूर्वाधार सहजीकरणलाई आफ्नो उच्च प्राथमिकतामा राखेका छौं। जसअनुसार हामीले नेपालभर विभिन्न चार्जिङ स्टेसनहरू राखेका छौं,' कम्पनीको भनाइ छ।
टाटाको यी चार्जिङ स्टेसनहरु अन्य कम्पनीको जस्तो छोटो समयको लागि नभएको टाटा मोटर्सका अधिकारी बताउँछन्। टाटाले चार्जिङ स्टेसन लामो समयसम्म टिकाउन लागिपरेको बताएको छ। टाटाको चार्जिङ स्टेसन काठमाडौंको बागडोल, भैरहवाको पथ्थरडाँडा, इटहरीको लविपुर, पोखराको बुद्धचोक, चुम्लिङटारको रिभरसाइड रिसोर्ट, हेटौँडाको बास्माडी, ढल्केबरको मिथिला नगरपालिका-०७ र मुलकोटको ताज रिभरसाइड एण्ड एडभेन्चर रिसोर्टमा चार्जिङ स्टेसन बनाएको छ।
यस्तै, टाटाले यस वर्ष सातवटा डीजी चार्जिङ स्टेसन सञ्चालनमा ल्याउन लागेको जानकारी दिएको छ। कम्पनीले विद्युतीय गाडीलाई ध्यानमा राख्दै इजिचार्ज नामको एप विकास गरेको छ। यसमा टाटाको विद्युतीय गाडी खरिद गर्ने ग्राहकले ईभी एप प्रयोग गरेर सजिलै चार्जिङ स्टेसन कहाँ छ भनेर पत्ता लगाउन सकिने कम्पनीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
