काठमाडौं- साहित्यकार तथा व्यवसायी वसन्त चौधरीले एकसाथ दुई काव्यकृति ल्याएका छन्। मंगलबार एक समारोहबीच उनको हिन्दी काव्यकृति ‘अनेक पल और मैं’ र नेपालीमा ‘तिमीविनाको म’ सार्वजनिक गरिएको हो।
लूनकरणदास-गंगादेवी चौधरी साहित्यकला मन्दिरद्वारा आयोजित कार्यक्रममा साहित्यकार चौधरीले काव्य लेख्दा मन कहिल्यै नथाक्ने र सिर्जनशिलता नरोकिने बताए। उनले आफ्नो कविता संग्रह ‘तिमीविनाको म’मा समाजमा भएका घटनाहरुको बारेमा चित्रण गरिएको बताए।
'मन नयाँ कुराहरु सोचेर कहिल्यै थाक्दैन। न त विश्राम नै लिन्छ। हामी वरिपरि जे परिघटनाहरु भइरहेको हुन्छन्, यिनै परिघटनालाई शब्दमा बोलेर अभिव्यक्त गरिरहेका हुन्छौं। काव्यकृति तिमीविनाको ममा केही गुमाएका र केही प्राप्त गरेका घटनाहरु शृंखलित रुपमा राखेको छु,' चौधरीले भने।
‘तिमीविनाको म’ कविता संग्रहमा लामा र छोटा गरेर ८५ वटा कविता संग्रहित छन्। कवितामा आत्मपरकताको उदाहरणीय प्रयोग गरिएको छ भने अंग्रेजी भाषामासमेत रहेको छ। त्यस्तै हिन्दी भाषामा रहेको काव्यसंग्रह 'अनेक पल और मैं' मा उनले आफ्ना जीवनका चिन्तनहरुलाई समेटेका छन्।
वरिष्ठ साहित्यकार तुलसी दिवसको सभापतित्वमा सम्पन्न पुस्तक लोकार्पण कार्यक्रममा नेपाल प्रज्ञा प्रतिष्ठानका कुलपति गंगाप्रसाद उप्रेती प्रमुख अतिथि थिए। विशिष्ठ अतिथिका रुपमा मुम्बई विश्वविद्यालयको हिन्दी विभागका प्रमुख प्राडा करुणाशंकर उपाध्याय उपस्थित थिए।
प्रतिष्ठानका कुलपति उप्रेतीले जीवनका अनेक भावनालाई विभिन्न भाषामा कृतिमार्फत् समेट्न चौधरीको ठूलो सफलता रहेको भन्दै आगामी दिनका लागि पनि शुभकामना दिए। कवि दिवसले राम्रा कवितामा उचाइ, गहिराइ र फैलावट हुनुपर्ने र यो चौधरीको कविता संग्रह ‘तिमीविनाको म’ पढेपछि प्राप्त हुने भन्दै उक्त कविता संग्रह नेपाली कविता संग्रमध्येको एक उत्कृष्ट रहेको बताए।
कार्यक्रममा मुम्बई विश्वविद्यालयका हिन्दी भाषा विभाग प्रमुख करूणा शंकरले प्राकृतिक वैभवले सम्पन्न देश नेपालको प्राकृतिक सौन्दर्यबाट प्रेरणा नलिने को होला भन्दै यसको अदभूत आनन्दको स्वाद चौधरीको कृतिमा पाइने बताए।
सर्जक चौधरीका कृति ‘अनेक पल और में’ हिन्दी कविता संग्रले हालै भारतमा आयोजित साहित्य सम्मेलनमा ‘बुक अफ इयर’को उपाधि जितिसकेको छ।
चौधरीका यसअघि ‘राष्ट्रियता नदुखोस्’, ‘संवाद’, ‘मेरा डायरीका पानाहरु’, ‘मेघा’, ‘मेरा कविता’, ‘जीवन मन्त्र’, ‘वसन्त’, ‘आँसुओं की सियाही से’, ‘वक्त रुकता नही’ लगायत कृति प्रकाशित भइसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751955528.jpg)
-1720358702.jpg)
-1751879619.webp)
-1749826086.png)
