काठमाडौं- सञ्जीव पोखरेलको नयाँ कृति ‘एक अनि शून्य’ शनिबार सार्वजनिक भएको छ। पश्चिमी दर्शनमा आधारित पुस्तक कालिकास्थानमा रहेको पब्लिकेसन्स नेपालयको कार्यालयमा सार्वजनिक गरिएको हो।
यो पुस्तक १० वटा प्रमुख दार्शनिक प्रवृत्तिहरूमा केन्द्रित रहेको छ, जुन प्रवृत्तिहरू पश्चिमी दर्शनका आधार मानिन्छन्। लेखक पोखरेलले प्रकाशित पुस्तक आफ्नै छोरी खुसी पोखरेललाई उपहार दिएर लोकार्पित गरेका हुन्।
'मैले मेरो पहिलो पुस्तक मेरी छोरीलाई उपहार दिएर सार्वजनिक गर्नुको प्रतिकात्मक अर्थ छ,' लेखक पोखरेलले भने, 'मेरा छोरीका पुस्ताले यो पुस्तक पढून्, पढ्ने प्रयास गरून् र यसको अन्तरवस्तुलाई मनन् गरुन् भन्ने मेरो लेखकीय आकांक्षा र सदीक्षा हो।'
उनी अगाडि भन्छन्, 'यस पुस्तकमा मैले पाश्चात्य ज्ञान परम्पराका केही आधारभूत प्रश्नहरुलाई सहज नेपाली भाषामा बुझाउने प्रयास गरेको छु। यसको अर्थ पाठकहरुले ज्ञानका प्रश्नहरुलाई बुझुन् र आत्मसात गरुन् भन्ने हो।'
सार्वजनिक पुस्तकका बारेमा बोल्दै कार्यक्रमका प्रमुख वक्ता विष्णु सापकोटाले पाश्चात्य दर्शनशास्त्रका बारेमा प्रशस्त पुस्तक लेखिएका पनि यति सहज र सरल नेपालीमा यो विषयमा लेखिएका पुस्तकमध्ये यो दुर्लभ प्रायः रहेको बताए। 'यो पुस्तकको विशेषता: यसले दर्शनलाई राजनीति, साहित्य र सौन्दर्यशास्त्रसँग पनि जोडेको छ,' उनले भने।
यो पुस्तक पब्लिकेसन्स नेपालयको सन् २०२१ को अन्तिम प्रकाशन हो।
पुस्तकको मूल्य नेपाली बजारका लागि ४९५ रुपैयाँ तोकिएको छ। पुस्तक देशका सबै प्रमुख पुस्तक पसलहरूका साथै अनलाइन प्लेटफर्महरुमासमेत उपलब्ध रहने प्रकाशकले जनाएको छ। यो पुस्तक विश्वव्यापी रूपमा अमेजनमार्फत् उपलब्ध हुने जानकारी दिइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
