काठमाडौं– पहिचान पुरस्कार कोषले हरेक वर्ष वितरण गर्ने ‘पहिचान पुरस्कार’को यो वर्षको संस्करण दुई पुस्तकले संयुक्त रुपमा पाएका छन्। श्याम साहको कथा संग्रह ‘पथेर’ र अनन्त वाग्लेको उपन्यास ‘कदम’ले संयुक्त रुपमा ‘पहिचान पुरस्कार २०७८’ पाएका हुन्।
गत कात्तिकमा कोषले विभिन्न पाँच पुस्तकलाई यो वर्षको पुरस्कारका लागि छनोट गरेको थियो। साहको पथेर र वाग्लेको कदमसँगै प्रकाश आङदेम्बेको ‘म एउटा बिहान हिँडिरहेछु’, बिना थिङको ‘याम्बुनेर’ र केदार संकेतको ‘अफगानी रणमैदान’ छनोटमा परेका थिए। तीमध्ये पथेर र कदमलाई संयुक्त रुपमा पुरस्कृत गरिएको हो।
पुरस्कृत हुने दुई पुस्तकका सर्जकलाई संयुक्त रुपमा चार लाख दुई हजार दुई रुपैयाँको पुरस्कार दिइनेछ।
यसअघि चार पुस्तकहरुले पहिचान पुरस्कार पाइसकेका छन्। राजन मुकारुङको निवन्ध संग्रह ‘फेरिदो सौन्दर्य’, अर्जुन खालिङको कविता संग्रह ‘गोयङको सुगन्ध’, यज्ञशको गैरआख्यान ‘भूइयाँ’ र उन्मुक्त पुस्ताको कविता संग्रह ‘आफर’ तथा सरस्वती प्रतीक्षाको उपन्यास ‘नथिया’ (संयुक्त) रुपमा पहिचान पुरस्कार पाइसकेका छन्।
त्यस्तै, लेखक, अभियन्ता तथा अनुवादक खगेन्द्र संग्रौला पहिचान सम्मानबाट सम्मानित भइसकेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
-1742289396-1743592964.jpg)
