काठमाडौँ- कालीगण्डकी बचाऔँ अभियानले सुरु गरेको पोष्टर कविता अभियानको ४७औँ श्रृङ्खलामा कवि विमला तुम्खेवाको कविता सार्वजनिक गरेको छ।
अभियानले कालीगण्डकी नदीको वैविध्य (धार्मिक, साँस्कृतिक, भौगर्भिक, जैविक, प्राकृतिक, जनजिविका)लाई आममानिसका बीच परिचित गराउन र यसले बेहोर्दै आएको भयावह सङ्कटलाई विभिन्न विधामार्फत चेतना फैल्याउन अभियान आरम्भ गरेको थियो।
त्यसलाई कविता मार्फत मुखरित गर्न ‘कालीगण्डकी नदी सप्तक श्रृङखला’ (आन्दोलन कविता) का रुपमा आयोजना गर्ने निश्चय गरी कालीगण्डकी बचाऔँ अभियान थालेको अभियन्ता आरके अदीप्त गिरीले जनाएका छन्।
अभियानको ४७औँ श्रृङ्खलामा कवि विमला तुम्खेवाको कविता ‘यो बगिरहेको खोलाको कथा हो’ सार्वजनिक गरिएको छ। अभियानले कवितालाई पोष्टरमा प्रस्तुत गरेको छ। कवि तुम्खेवाको कविता यस्तो छ-
यो बगिरहेको खोलाको कथा हो
संघर्ष कस्तो हुन्छ
चैतको चर्को घाममा बसिरहेको यो ढुंगा
बर्खाको समय बग्दै आएका यी शिला
रातभरिको बगाइपछि
बिहान स्थिर बगरमा आकार लिएर चुपचाप बसिरहेका
यी मसिना बालुवालाई हेरे हुन्छ।
बग्दै आएका यी गिटीहरूले
बग्ने क्रममा कति ठूलाठूला
ढुंगाका प्रहार सहे होलान्
कहिलेकाहीँ सोचेर स्तब्ध हुन्छु
यिनीहरुबाट केही त मैले सिकिरहेको हुन्छु।
सरकार स्टार होटलको गुप्त कोठाभित्र हुस्की डकार्छ
सोकल्ड अधिकारीकर्मीहरु
केवल ढुंगा, गिटी र माटोको थुप्रो देख्छन् कालीगण्डकीलाई
र,
सेलिब्रेट गर्छन् ठेकेदारहरु टेन्डर परेकोमा।
पुरानो निक्कै पुरानो हो मेरो पीडा
किन तिमीहरु एक साधारण घटनाक्रम देख्छौ
ममाथिको बर्बरतालाई!?
तिम्रा ती हजार दाउपेचप्रति
मलाई सबैसँग बेहद घृणा छ।
म यो सृष्टिको एक त्यस्तो गति हुँ
सम्झिराख मान्छे।
निरन्तर बगिरहने मेरै गतिजस्तो
यो पृथ्वीको एक स्वतन्त्र गति हुँ
यी परपरसम्म फैलिरहेका मेरा बगरजस्तै
पहाड, तराई र कुइनेटाहरु नाघ्दै
बगिरहने मेरा आकांक्षाजस्तै
यो अनन्तसम्म देखिने घामजस्तै
म एक अनिवार्य सत्य हुँ।
माफ गर!
मजाकको पनि हद हुन्छ
म फर्किएर तिमीतिरै उर्लिएँ भने
तिम्रो अस्तित्व समाप्त हुनेछ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1743926528.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
-1742289396-1743592964.jpg)
