काठमाडौं– सभामुख अग्निप्रसाद सापकोटाले प्रमुख प्रतिपक्ष दल नेकपा एमालेलाई प्रतिनिधि सभा अवरुद्ध नगर्न आग्रह गरेका छन्। उनले प्रतिनिधि सभा जनताको आवाज सुन्ने थलो भएकाले यसलाई सोही अनुरुपको विधि र प्रक्रियामा चल्न दिन आग्रह गरेका हुन्।
‘लोकतन्त्र सिद्धान्त मात्र हैन। यसलाई यही रुपमा बुझ्नपर्छ’, सभामुखले भने, ‘राष्ट्रिय अवस्थालाई ध्यानमा राखी सहज सभा सञ्चालन गर्न सबै सांसदहरुको ध्यानाकर्षण गर्दछु।’
उनले जनप्रतिनिधिहरुको सर्वाेच्च निकाय संसद् भएकाले विधि र पद्धति पालना गर्ने कुरामा अझै बढी प्रतिवद्ध भएको ध्यानमा राख्न आग्रह गरे।
उनले सभामा आफ्ना असहमतिहरु राख्ने कुरामा स्थान हुने भन्दै उक्त विकल्प अपनाएर सहज रुपमा सभा सञ्चालन गर्न दिन एमालेलाईट आग्रह गरे।
गत भदौदेखि संसद् अवरुद्ध गर्दै आएको एमाले सांसदहरूले संसदीय मर्यादा कायम गर भन्दै नाराबाजी गरिरहेका छन्। सभामुख सापकोटाले संसद् बैठक सुरु गर्नेबित्तिकै एमालेका सांसद विरोधमा उत्रिएका थिए।
सभामुख सापकोटाले पटक पटक प्रतिनिधि सभाको नियममावली र संविधानको व्यवस्था सम्झाउँदै अवरुद्ध नगर्न आग्रह गरे। उनले सर्वोच्च अदालतमा विचाराधीन मुद्दाको बारेमा संसद्मा छलफल नहुने भएकाले अवरुद्ध नगर्न आग्रह गरे।
उनले नियमावलीको नियम २१ लाई सम्झाउँदै यसको पालना गर्न अनुरोध गरे। तर, एमाले सांसदहरुले नाराबाजी गरिहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768457877.png)
-1764146706.png)
-1768395492.png)
