इन्भेष्टमेन्ट र हिमालयन बैंकले मर्जरका लागि मागे थप समय

बैंक/बिमा/सेयर

नेपाल लाइभ आइतबार, मंसिर १९, २०७८ १९:०९

काठमाडौं- नेपाल इन्भेष्टमेन्ट र हिमालयन बैंकले मर्जर प्रक्रिया टुङ्ग्याउनका लागि थप समय माग गर्दै नेपाल राष्ट्र बैंकमा पत्र पठाएका छन्। राष्ट्र बैंकले तोकेको समयमा मर्जरको प्रक्रिया पूरा गर्न नसकेपछि दुई बैंकले थप समय मागेका हुन्।

राष्ट्र बैंक स्रोतका अनुसार आइतबार दुवै बैंकले राष्ट्र बैंकमा पत्र पठाएर मर्जरका लागि समय थपिदिन आग्रह गरेका छन्।

आपसमा मर्जरको प्रारम्भिक सहमति गरी राष्ट्र बैंक पुगेका यी बैंकले जेठ २० गते नै सैद्धान्तिक स्वीकृतिसमेत पाइसकेको छ। मर्जर नीतिअनुसार राष्ट्र बैंकले सैद्धान्तिक स्वीकृति दिएको तीन महिनाभित्र एकीकृत कारोबारका लागि अन्तिम स्वीकृत लिनुपर्ने हुन्छ।

तर, यी बैंकहरुले तीन महिनासम्म आवश्यक प्रक्रिया पूरा गर्न नसकेको भन्दै अन्तिम मौका दिन राष्ट्र बैंकमा आग्रह गरेका थिए। सो आग्रहअनुसार राष्ट्र बैंकले उनीहरुलाई गत असोज १९ मा पुनः तीन महिनाका लागि समय थप गरिदिएको थियो। राष्ट्र बैंकले थप गरेको उक्त समय आजबाट सकिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड