कनेक्टआईपीएस प्रणालीको कारोबार शुल्क घट्यो

अर्थ समाचार

नेपाल लाइभ बुधबार, मंसिर १५, २०७८ १३:१२

काठमाडौं– नेशनल पेमेन्ट स्वीचअन्तर्गत रिटेल पेमेन्ट स्वीचको कार्यान्वयनलाई थप सहज बनाउन नेपाल क्लियरिङ हाउसले गत मंसिर ७ गतेदेखि लागु हुने गरी कनेक्ट आईपीएस प्रणालीको कारोबार शुल्कमा परिवर्तन गरेको छ।

नयाँ कारोबार शुल्कअनुरुप बैंक र वित्तीय संस्था तथा भुक्तानी सेवाप्रदायकका ग्राहकले अब कारोबार रकम बमोजिम दुईदेखि आठ रुपैयाँसम्मको प्रतिकारोबार शुल्कमा भुक्तानी गर्न सक्नेछन्।

पाँच सयसम्मको भुक्तानीमा प्रतिकारोबार शुल्क दुई रुपैयाँ, पाँच सय भन्दामाथि पाँच हजार रुपैयाँसम्म प्रतिकारोबार शुल्क चार रुपैयाँ र पाँच हजारभन्दामाथिको भुक्तानी रकममा कारोबार शुल्क आठ रुपैयाँ लागु हुने भएको छ। यसले ग्राहकलाई एनसीएचएलका कनेक्टआईपीएसमार्फत हुने भुक्तानीमा थप सहज हुनेछ।

कनेक्ट आईपीएसबाट सरकारी राजस्व भुक्तानीमा भने पहिले नै प्रतिकारोबार शुल्क दुईदेखि पाँच रुपैयाँ कायम रहेको छ। नेपाल राष्ट्र बैंकको मार्गनिर्देशन बमोजिम डिजिटल भुक्तानीको थप प्रवर्द्धनका निम्ति एनसीएचएलले समय–समयमा यथोचित रुपमा कारोबार शुल्क परिवर्तन गर्ने गरेको छ।

हालै नेपाल राष्ट्र बैंकले मोबाइल बैंकिङमा कारोबर शुल्क १० देखि अधिकतम ३० रुपैयाँसम्म तोकेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खैरो हेरोइन किनबेच गरेको आरोपमा कलंकीबाट ४ जना पक्राउ

आज अन्तरराष्ट्रिय निःशस्त्रीकरण दिवस, विभिन्न कार्यक्रमका साथ मनाइँदै

यस्तो छ आजको मौसम पूर्वानुमान