सुधांशु जोशीको कमब्याक, ‘एक्स ९’ मार्फत् पर्दामा फर्किँदै

समाचार

नेपाल लाइभ मंगलबार, मंसिर १४, २०७८ १४:३९

काठमाडौं– ‘जाली रुमाल’, ‘हत्या’, ‘रणभूमि’ लगायतका नेपाली फिल्ममा अभिनय गरेका अभिनेता सुधांशु जोशी लामो समयसम्म सिनेमा क्षेत्रबाट बाहिर रहे।

नेपालमा आफूले लगानी गरेको फिल्म ‘नेपाल’ नचलेपछि उनी एकाएक सिनेमा क्षेत्रबाट हराएका थिए। लामो समयदेखि अमेरिकामा बस्दै आएका उनी अब फेरि पर्दामा फर्किने भएका छन्।

जोशी मुकुन्द भट्टले निर्देशन गर्ने फिल्म ‘एक्स ९’मार्फत पर्दामा फर्किन लागेका हुन्। निर्देशक भट्टकाअनुसार जोशीलाई फिल्ममा अनुबन्धित गरिएको छ। फिल्मको निर्माण पक्ष र अभिनेता जोशीबीच सम्झौता भइसकेको छ।

जोशी अनुबन्धित भएको फिल्म ‘एक्स ९’मा बलिउड अभिनेता सुनिल शेट्टीले काम गर्ने भनेर चर्चा सिर्जना गरिएको छ। निर्देशक भट्टले केही समयअघि भारत पुगेर शेट्टीसँग फिल्ममा काम गर्ने पक्कापक्की गरेको बताएका थिए। जोशी र शेट्टीसँगै फिल्मको मुख्य भूमिकामा अनमोल केसी्, सौगात मल्ल, पुष्प खड्का, अनुपविक्रम शाही लगायतको अभिनय रहनेछ।

नेपालसँगै युरोपका विभिन्न देशमा छायांकन हुने भनिएको यो फिल्म फेब्रुअरीदेखि फ्लोरमा जाने निर्माण पक्षले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नागरिकता संशोधन विधेयक मन्त्रिपरिषद्‌बाट स्वीकृत, यी ३ व्यवस्था थपिए

ओलीलाई वर्षमानको प्रश्न- भुटानी शरणार्थी, यती,ओम्नी र गिरीबन्धु प्रकरण छानबिन गर्न संसदीय समिति कहिले गठन गर्ने?

स्कर्पियो–कार ठक्कर : १३ घाइतेमध्ये १ जनाको मृत्यु