सरला गौतमको 'पिँजडाको मान्छे' सार्वजनिक

साहित्य डबली

नेपाल लाइभ शनिबार, मंसिर ११, २०७८ १५:२७

काठमाडौं- पब्लिकेसन्स नेपालयले सरला गौतमको निबन्धहरूको संकलन 'पिँजडाको मान्छे' सार्वजनिक गरेको छ।

यो पुस्तक यस वर्ष नेपालयले प्रकाशित गरेको दोस्रो प्राइमरी ई-बुक हो। नेपालयले यसभन्दा पहिले सुजीव शाक्यको 'अर्थात् परिवर्तन' लाई प्राइमरी ई-बुकको रुपमा प्रकाशित गरेको थियो।

संकलित निबन्धहरूले आधुनिक मनुष्यको एकाकिपना, प्रविधि, पितृसत्ता र पर्यावरणका मुद्दाहरूमा गहन दृष्टि राखेका छन्। पुस्तक निर्माणको मनोवैज्ञानिक विचरणबारे प्रस्ट्याउँदै लेखक गौतम भन्छिन्, 'महामारीले संसारलाई दुईवटा फरक धारमा विभाजन गरिदियो- कोभिडभन्दा पहिलो र कोभिडभन्दा पछिल्लो धार। महामारीपछिको संसार आफ्नै समस्याको भारी बोकेर आएको छ; साथै यसले नसुल्झेका पुराना मुद्दाहरूलाई अझै चर्काएको पनि छ। यो अन्तरालमा पितृसत्ता, पर्यावरण्, कृषि, समानताका मुद्धाहरुलाई नियाल्ने नयाँ आयाम खुलेका छन्। विराटतम स्वतन्त्रताको खोजिमा सहर पसेको मान्छे कस्ता अदृश्य पिँजडाहरुको जञ्जालमा फस्दै गएको छ, त्यही प्रक्रियाहरुको चिन्तनको उपज हो यो पुस्तक।'

संकलित निबन्धहरूमा सुपरिचित गद्य-शैली झल्किएको छ।

'हामी गद्यका उल्लेखनीय कृतिहरूलाई सहज बनाउनका निम्ति थप पहुँचयोग्य डिजिटल फर्म्याटमा काम गरिरहेका छौं,' पब्लिकेसन्स नेपालयकी प्रमुख कार्यकारी अधिकृत सैजन मास्केले बताइन्, 'पिँजडाको मान्छे यो श‍ृङ्खलाको पहिलो कृति हो। आगामी दिनहरूमा हामी ई-बुक खण्डका निम्ति गद्य कृतिहरूको दायरालाई अझै फराकिलो पार्नेछौं। ई-बुकले सुस्त गतिमै भए पनि नेपाली पाठकहरूबीच आफ्नो स्थान बनाउँदै छ।'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अफगानिस्तानद्वारा नेपाललाई मध्यम लक्ष्य

ऐतिहासिक सम्पदाको संरक्षण गर्नु हाम्रो साझा दायित्वःराष्ट्रपति पौडेल

सिंगो नेपाललाई खुला संग्रहालय बनाउनुपर्छ : पर्यटनमन्त्री पाण्डे