काठमाडौं- लुम्बिनी प्रदेशका प्रहरी प्रमुख प्रहरी नायब महानिरीक्षक (डीआईजी) मुकुन्द आचार्यको काज सरुवा भएको छ। डीआइजी आचार्यलाई लुम्बिनी प्रदेशबाट लागु औषध नियन्त्रण व्यूरो कोटेश्वरमा काज सरुवा गरिएको हो।
प्रहरी वरिष्ठ उपरीक्षक (एसएसपी) को दरबन्दी भएको व्यूरोमा डीआईजीलाई काज सरुवा गरिएको हो।
सामान्यतया दरबन्दी अनुसारको पदमा सरुवा हुने भएपनि एसएसपीको दरबन्दी भएको स्थान लागु औषध नियन्त्रण व्यूरोको जिम्मेवारी डीआईजी आचार्यलाई दिइएको हो।
कामको चाप अनुसार माथिल्लो अधिकारीलाई जिम्मेवारी दिनुपर्ने अवस्था बन्ने प्रहरी उच्च स्रोत बताउँछ। 'कामको चाप अनुसार कहिले काँही इन्सपेक्टरको ठाउँमा डिएसपीलाई जिम्मेवारी दिनुपर्ने अवस्था आउँछ। यो सामान्य हो' प्रहरी स्रोतले भन्यो।
लुम्बिनी प्रदेशको प्रहरी प्रमुखको जिम्मेवारी डीआईजी प्रकाश अधिकारीलाई दिइएको छ।
प्रहरी महानिरीक्षकको सचिवालयका डिआइजी बसन्त लामालाई प्रवन्ध निर्देशनालायमा सरुवा गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
