तस्बिर सौजन्य: १२खरी मिडिया।
काठमाडौं- ‘१२खरी कथा लेखन प्रतियोगिता’को प्रथम पुरस्कार मनोजादित्य न्यौपानेले पाएका छन्। शुक्रबार काठमाडौंमा आयोजित कार्यक्रममा प्राप्त कथाहरुबाट उत्कृष्ट २५ मध्येबाट न्यौपानेको कथालाई प्रथम घोषणा गरिएको हो।
बाह्रखरी मिडियाले आयोजना गरेको प्रतियोगिताको तेस्रो संस्करणमा न्यौपानेले लेखेको ‘अन्तिम अतिथि’ शीर्षकको कथा प्रथम भएको हो। उनले प्रथम पुरस्कार स्वरुप एक लाख रुपैयाँ पाएका छन्।
त्यस्तै, प्रतियोगिताको द्वितीय र तृतीयमा त्रमशः स्वप्निल नीरवको कथा ‘बुढो घर’ र रेणुका जीसीको कथा ‘मुडुली’ परेका छन्। उनीहरुले पुरस्कार स्वरुप क्रमश: ६० र ४० हजार रुपैयाँ हात पारेका छन्।
कार्यक्रममा रक्षामन्त्री डा. मिनेन्द्र रिजालले ‘१२खरी उत्कृष्ट कथा-२०७८’ पुस्तकको लोकार्पण गरेका थिए।
आयोजकका अनुसार प्रतियोगिताका लागि कूल ४०० भन्दा बढी कथा प्राप्त भएका थिए, जसमध्येबाट ५० कथा छनोट गरी निर्णायक समितिलाई बुझाइएको थियो। वरिष्ठ आख्यानकार नारायण ढकाल संयोजक तथा समालोचक कुमारी लामा र कथाकार विवश पोखरेल सदस्य रहेको निर्णायक समितिले उत्कृष्ट २५सहित प्रथम, द्वितीय र तृतीय कथाको छनोट गरेको थियो।
प्रतियोगितामा प्रमथ, द्वितीय र तृतियबाहेकका २२ कथाकारले प्रमाणपत्रसहित पाँच/पाँच हजार रुपैयाँ पुरस्कार पाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790816682.webp)
-1786602170.png)
