प्रदेश १, कर्णाली र सुदूरपश्चिम प्रदेश प्रमुखका लागि सिफारिस गरिएकाहरू। (बाँयाबाट पर्शुराम खापुङ, तिलक परियार र देवराज जोशी।)
काठमाडौं- मन्त्रिपरिषद्ले तीन प्रदेशका प्रदेश प्रमुखलाई बर्खास्त गर्दै नयाँ नियुक्तिको लागि सिफारिस गर्ने निर्णय गरेको छ। एक मन्त्रीका अनुसार प्रदेश १, कर्णाली प्रदेश र सुदूरपश्चिम प्रदेशका प्रदेश प्रमुखमा हेरफेर गर्न सिफारिस गरिएको हो।
उनका अनुसार, प्रदेश १ मा पर्शुराम खापुङ, कर्णाली प्रदेशमा तिलक परियार र सुदूरपश्चिममा देवराज जोशीलाई प्रदेश प्रमुख बनाउन राष्ट्रपतिसमक्ष सिफारिस गरिएको छ।
सरकार परिवर्तन र सरकारको नेतृत्व गरिरहेको दलभित्रको शक्ति संघर्षका कारण पनि हेरफेरमा पर्ने गरेको प्रदेश प्रमुख पद निकै अस्थिर बनाइएको छ। पछिल्लो ४५ महिनामा २४ प्रदेश प्रमुख नियुक्त गरिएको छ। जसमध्ये अमिक शेरचन र तिलक परियारलाई फरकफरक प्रदेशमा दोहोर्याएर नियुक्त गरिएको छ।
प्रदेश २, गण्डकी प्रदेश र सुदूरपश्चिम प्रदेशले चार/चार जना प्रदेश प्रमुख पाइसकेका छन्। सबैजसो प्रदेशमा एकभन्दा बढी प्रमुख नियुक्त भएका छन्। संविधानमा प्रदेश प्रमुख पद नेपाल सरकारको प्रतिनिधिको रुपमा रहने व्यवस्था गरिएको छ। उसलाई राष्ट्रपतिले जुनसुकै बेला पदमुक्त गर्न सक्ने व्यवस्था रहेका कारण यो पद अस्थिरताको सूचक बनिरहेको छ।
कुन प्रदेशमा को-को प्रदेश प्रमुख भए?
प्रदेश १
गोविन्द बहादुर तुम्बाहाङ : २०७४ माघ ३- २०७६ कात्तिक १७
सोमनाथ अधिकारी प्यासी : २०७६ कात्तिक १८- २०७८ कात्तिक (राष्ट्रपतिबाट औपचारिक रुपमा पदमुक्त गर्न बाँकी)
पर्शुराम खापुङ : २०७८ कात्तिक (राष्ट्रपतिबाट औपचारिक रुपमा नियुक्त गर्न बाँकी)
प्रदेश २
रत्नेश्वर लाल कायस्थ : २०७४ माघ ३- २०७६ कात्तिक १७
तिलक परियार : २०७६ कात्तिक १८- २०७७ फागुन ७
राजेश झा अहिराज : २०७७ फागुन ७- २०७८ भदौ १
हरिशंकर मिश्र : २०७८ भदौ १-
बागमती प्रदेश
अनुराधा कोइराला : २०७४ माघ ३- २०७६ कात्तिक १७
विष्णु प्रसाई : २०७६ कात्तिक १८- २०७८ भदौ ४
यादवचन्द्र शर्मा : २०७८ भदौ ४-
गण्डकी प्रदेश
बाबुराम कुँवर : २०७४ माघ ३- २०७६ कात्तिक १७
अमिक शेरचन : २०७६ कात्तिक १८- २०७८ वैशाख २०
सीताकुमारी पौडेल : २०७८ वैशाख २०- २०७८ साउन १२
पृथ्वीमान गुरुङ : २०७८ साउन १२-
लुम्बिनी प्रदेश
उमाकान्त झा : २०७४ माघ ३- २०७६ कात्तिक १७
धर्मनाथ यादव : २०७६ कात्तिक १८- २०७८ साउन १२
अमिक शेरचन : २०७८ साउन १२-
कर्णाली प्रदेश
दुर्गाकेशर खनाल : २०७४ माघ ३- २०७६ कात्तिक १७
गोविन्द प्रसाद कलौनी : २०७६ कात्तिक १८- २०७८ कात्तिक (राष्ट्रपतिबाट औपचारिक रुपमा पदमुक्त गर्न बाँकी)
तिलक परियार : २०७८ कात्तिक (राष्ट्रपतिबाट औपचारिक रुपमा नियुक्त गर्न बाँकी)
सुदूरपश्चिम प्रदेश
मोहनराज मल्ल : २०७४ माघ ३- २०७६ कात्तिक १७
शर्मिला कुमारी पन्त (त्रिपाठी) : २०७६ कात्तिक १८- २०७८ वैशाख २०
गंगाप्रसाद यादव : २०७८ वैशाख २०- २०७८ कात्तिक (राष्ट्रपतिबाट औपचारिक रुपमा पदमुक्त गर्न बाँकी)
देवराज जोशी : २०७८ कात्तिक (राष्ट्रपतिबाट औपचारिक रुपमा नियुक्त गर्न बाँकी)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
