फाइल तस्बिर।
काठमाडौं- संविधानविद् चन्द्रकान्त ज्ञवालीले प्रधानन्यायाधीश चोलेन्द्र शमशेर राणाले तत्काल राजीनामा दिनुपर्ने बताएका छन्।
नेपाल बार एसोसिएसनले प्रधानन्यायाधीश राणाविरुद्ध गरेको आन्दोलनलाई मंगलबार सम्बोधन गर्ने क्रममा उनले राणाले तत्कालै राजीनामा दिनुपर्ने बताएका हुन्।
'अहिले बार र न्यायापालिका दुवै आन्दोलनमा छन्। प्रधानन्यायाधीशको राजीनामा माग गरिएको छ। अहिले उहाँले कसैको पनि विश्वास जित्न सक्नुभएको छैन। उहाँले तत्कालै राजीनामा गर्नुपर्छ', उनले भने।
उनले राणाले राजीनामा नदिए थप कडा आन्दोलन गर्ने चेतावनी दिए। सर्वोच्च अदालतको ढोकाबाट छिर्नबाट पनि बञ्चित गर्नेगरी आन्दोलन हुने उनको भनाइ छ। उच्चदेखि जिल्ला तहका अदालतसम्म न्यायाधीश र बारका इकाइहरुले पनि बहिष्कार गर्ने उनले बताए।
'उहाँले राजीनामा दिन्न र संवैधानिक बाटोबाट जान्छु भनेर भनिरहनु भएको छ। अनि राजनीति दलका ढोका चहारिरहनुभएको छ। दलहरुले संसद् अधिवेशन अन्त्य गरेर अहिलेको समस्यामा समाधानमा देखेको छैन। टुलुटुलु अहिले न्यायालयमा देखिएको समस्यामा राजनीतिक दलहरू हेरर बसिरहेका छन्', उनले भने।
स्वतन्त्र न्यायापालिका ढल्यो भने त्यसबाट राजनीतिक दलहरुलाई पनि ठूलो क्षति हुने उनको भनाइ छ। राजनीतिक दलहरूले पनि यसमा गम्भीर हुनुपर्ने उनले बताए।
'तपाईंहरूको हतियार चलाइएन भने त्यसले लोकतन्त्रलाई नै कमजोर बनाउने छ। संसद्बाट महाअभियोग प्रस्ताव दर्ता गर्ने दिन आइसक्यो। यसमा तपाईंहरु अब गम्भीर हुनुस् भन्न चाहन्छु', ज्ञवालीले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
