चितवनमा कात्तिक २७ देखि ‘नेपाल–भारत साहित्योत्सव’, विभिन्न साहित्यकारलाई सम्मान गरिने

साहित्य डबली

नेपाल लाइभ मंगलबार, कात्तिक २३, २०७८ ०८:३१

काठमाडौं– कविडाँडा साहित्य समाज, चितवनले स्थापनाको १९औँ वार्षिकोत्सवका अवसरमा यही कात्तिक २७ र २८ गते सौराहामा ‘नेपाल–भारत साहित्योत्सव’ आयोजना गर्ने भएको छ। उत्सवमा भारत र नेपालबाट गरी करीब १ सय जना साहित्यकारको तथा ठूलो संख्यामा गैरआवासीय अतिथिको सहभागिता रहने आयोजकको भनाइ छ।

कार्यक्रमका लागि भारतका मणिपुर, असम, सिक्किम, दार्जिलिङ, डुअर्स, मिरिक, सिलिगुढी र दिल्लीबाट साहित्यकार आउँदै छन्। कार्यक्रममा नेपाल र भारतका अध्येताबाट विभिन्न विषयमा ६ कार्यपत्र प्रस्तुत हुने तथा द्विपक्षीय साहित्यिक सरोकारका दुई विषयमा परिचर्चा तथा सबै सहभागीबाट रचना वाचनका कार्यक्रम हुने समाजका अध्यक्ष एलबी क्षेत्रीले बताए।

सो अवसरमा नेपालका वरिष्ठ कवि मुकुन्दशरण उपाध्याय, कथाकार एवं नियात्राकार इल्या भट्टराई तथा भारतीय नेपाली कवि मनप्रसाद सुब्बालाई विशेष सम्मान गरिने एवं साहित्यकार श्रवण मुकारुङलाई कविडाँडा सुवर्ण–तुलसीकाव्य पुरस्कार २०७८ प्रदान गरिने कार्यक्रमसमेत रहेको छ।

यसैगरी आख्यानकार श्याम शाह, गायत्री अधिकारी र शान्ति शर्मा, युवा सर्जक जीवन निर्दोष तथा समालोचक एवं निबन्धकार डिआर शर्मालाई विभिन्न विधामा योगदानका लागि कविडाँडा साहित्य सम्मान तथा देव–खिना पुरस्कारबाट पुरस्कृत गरिँदै छ।

यसै अवसरमा समाजले आयोजना गरेको राष्ट्रिय निबन्ध प्रतियोगिता २०७८ का विजेतालाई पनि पुरस्कृत गरिने कार्यक्रमसमेत रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अफगानिस्तानद्वारा नेपाललाई मध्यम लक्ष्य

ऐतिहासिक सम्पदाको संरक्षण गर्नु हाम्रो साझा दायित्वःराष्ट्रपति पौडेल

सिंगो नेपाललाई खुला संग्रहालय बनाउनुपर्छ : पर्यटनमन्त्री पाण्डे