काठमाडौं- नेकपा एमालेले बागमती प्रदेश सरकारलाई विश्वासको मत नदिने भएको छ। सोमबार प्रदेश सभामा पेश भएको विश्वासको मत लिने प्रस्तावमाथि बोल्दै एमालेका सांसद दीपक निरौलाले आफूहरुले विश्वासको मत नदिने स्पष्ट पारेका हुन्।
'यो गठबन्धन अप्रजातान्त्रिक, अप्राकृतिक र असंवैधानिक हो। त्यसकारण यो असंवैधानिक प्रक्रियाबाट जन्मिएको सरकारलाई विश्वासको मत दिइराख्नुपर्ने हाम्रो दलले आवश्यकता ठानेको छैन', उनले भने, 'यसर्थ, हामी हाम्रो दलको तर्फबाट यो सरकारलाई विश्वासको मत जाहेर गर्न नसक्ने व्यहोरा निवेदन गर्दछु।'
सोमबारको बैठकको सुरुवातमा मुख्यमन्त्री राजेन्द्र पाण्डेले विश्वासको मत दिन दलहरुलाई अनुरोध गरेका थिए।
'यस सभामा उपस्थित सम्पूर्ण राजनीतिक दलहरु नेकपा एमाले, नेकपा माओवादी केन्द्र, नेपाली कांग्रेस, जनता समाजवादी, विवेकशील साझा पार्टी, नेपाल मजदुर किसान पार्टी, राष्ट्रिय प्रजातन्त्र पार्टी सबै दललाई मलाई विश्वासको मत दिएर यो सरकारलाई अगाडि बढ्न हौसला र साथ दिनका लागि म हार्दिक अनुरोध गर्न चाहन्छु', मुख्यमन्त्री पाण्डेले भनेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
