ललितपुर- ऊर्जा, जलस्रोत तथा सिँचाइमन्त्री पम्फा भुसालले प्रतिगमनको खतरा रहँदासम्म वर्तमान गठबन्धन कायम रहने बताएकी छन्। राष्ट्रियता, लोकतन्त्र र संविधानको रक्षा गर्ने प्रतिबद्धता व्यक्त गरेर गठबन्धनको सरकार बनेको बताउँदै उनले जनताको आकांक्षालाई सम्बोधन गर्न र उपलब्धि रक्षा गर्न गठबन्धन बनेको बताइन्।
ललितपुरको ठेचोमा बिहीबार आयोजित नवदुर्गा भवानीदेवी मन्दिर उद्घाटन तथा गोदावरी नगरपालिकाद्वारा स्थापित अक्षयकोष रकम सम्झौतापत्रमा हस्ताक्षर कार्यक्रममा मन्त्री भुसालले गठबन्धन सरकारले जनताको चाहनाभन्दा बाहिर गएर कुनै पनि काम नगर्ने स्पष्ट पारिन्।
आफू निर्वाचनमा जाँदा कला र संस्कृतिको संरक्षण गर्ने प्रतिवद्धता व्यक्त गरेअनुसार काम भएको बताउँदै उनले भनिन्, 'हाम्रो ललितपुर, कला संस्कृति र सम्पदाले सम्पन्न छ, त्यसको संरक्षण र विकास गर्ने गर्नुपर्छ, सोही अनुसार काम भइरहेको छ।'
कार्यक्रममा बागमती प्रदेश सभा सदस्य राजकाजी महर्जनले ललितपुरको कला संस्कृतिलाई संरक्षणमा आफूले निरन्तर प्रयास गरिरहेको र आगामी दिनमा प्रतिबद्ध भएर काम गर्ने बताए। ललितपर महानगरका प्रमुख चिरीबाबु महर्जनले जनताको आकांक्षाअनुसार नै सम्पदाको पुनःनिर्माणका भइरहेको जानकारी दिए।
गोदावरी नगरपालिकाका प्रमुख गजेन्द्र महर्जनले ५० लाखको अक्षयकोष स्थापना भएसँगै यहाँको देवीको जात्रा एवं पूजापाठका लागि कुनै पनि समस्या नहुने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1755350564.jpg)
-1764146706.png)
