काठमाडौं– सत्ता साझेदार दल नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले तीनवटै (संघ, प्रदेश र स्थानीय तह)को निर्वाचन एकैपटक गर्ने भन्ने विषयमा छलफल चलिरहेको बताएका छन्।
नेपाल राष्ट्रिय कर्मचारी संगठन निजामतीले आयोजना गरेको शुभकामना आदान प्रदान कार्यक्रममा बोल्दै उनले तीनवटै तहको निर्वाचन एकैपटक गर्दा उपयुक्त हुने पनि बताए।
‘निर्वाचन आउँदै छ। राष्ट्रिय सभाको १९ सिटमा निर्वाचन गर्नुपर्ने छ। त्यसपछि स्थानीय, प्रदेश र संघको निर्वाचन हुन्छ,’ उनले भने, ‘निर्वाचनको प्रक्रिया कसरी अघि बढाउने भनेर राजनीतिक तहमा छलफल चलिरहेको छ। आयोगसँग यसविषयमा छलफल गर्न बाँकी छ।’
उनले तीनवटै तहको निर्वाचन एकैदिन गर्दा राम्रो हुने भन्ने विषयमा पनि छलफल भइरहेको बताए। ‘राज्यलाई कम भार र जनतालाई दुःख कम हुने गरेर तीनवटै तहको निर्वाचन एकैदिन गर्यो भने धेरै चलखेल र षड्यन्त्र पनि हुन नपाउने आर्थिक बोज पनि कम हुने। दलहरुलाई पनि उपयुक्त भन्ने छ कि भन्ने छ,’ उनले भने, ‘कसरी गर्ने भन्ने विचार र छलफल चलिरहेको छ। तपाईंहरुले पनि यसमा सुझाव दिनुभयो भने राम्रो हुन्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769576758.png)
-1764146706.png)
