तस्बिर: पत्रकार बीपी साहको फेसबुकबाट।
काठमाडौं- सीके राउत नेतृत्वको जनमत पार्टीका कार्यकर्ताले जनकपुरमा खानेपानी संस्थानका निमित्त प्रमुख राजेश कुशवाहालाई नगर परिक्रमा गराएका छन्। बिहीबार उनीहरुले 'अराजक' बन्दै कुशवाहलाई अर्थनग्न बनाइ हिलो दलेर नगर घुमाएका हुन्।
उनीहरुले जनकपुर उपमहानगरपालिकाका मेयर र प्रदेश सरकारविरुद्ध प्रदर्शन आयोजना गरेका थिए। उनीहरुले बाँसको भाटासहित जनकपुरको रामानन्द चोकमा रहेको खानेपानी संस्थानको कार्यालयमा पुगेर कुशवाहलाई नियन्त्रणमा लिएका थिए। ठूलो समूहसहित पुगेका जनमत पार्टीका कार्यकर्ताले कुशवाहलाई अर्थनग्न बनाएर हातपातसमेत गरेका थिए। त्यसपछि हिलो दलेर नगर घुमाएका हुन्।
नगर परिक्रमाका क्रममा उनीहरुले प्रदेश सरकार विरुद्धसमेत नाराबाजी पनि गरेका थिए।
प्रदेश २ को सरकार, जनकपुर उपमहानगरपालिकाका मेयर तथा खानेपानी संस्थानको नेतृत्व भ्रष्टाचारमा डुबेको आरोप लगाउँदै आएका छन्। यसअघि नै उनीहरुले उपनगरपालिका र खानेपानी संस्थानमा ज्ञापनपत्र बुझाएका थिए।
'जनताले भ्रष्टाचारीलाई कालोमोसो र हिलो दलेर नगर परिक्रमा गराएको छ। मेयर र डीईले हिलोपानी र जनताको बाटो देखेन रे भनेर जनताले हिलोपानी र बाटो देखाएको! मेयर भागेर लुकेको अवस्था,' जनमत पार्टीका प्रमुख सीके राउतको सचिवालयको फेसबुक पेजमा लेखिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
