फाइल तस्बिर
काठमाडौं- बुटवलको मोतीपुरमा आइतबार भएको झडपमा परी घाइते भएका नेपाल प्रहरी र सशस्त्र प्रहरीका चार जना जवानलाई थप उपचारका लागि काठमाडौं ल्याइएको छ।
झडपमा परी गम्भीर घाइते भएका नेपाल प्रहरीका दुई र सशस्त्रका प्रहरीका दुईसहित चारजनालाई थप उपचारका लागि काठमाडौं ल्याइएको हो।
जिल्ला प्रहरी कार्यालय रुपन्देहीका प्रहरी प्रमुख प्रहरी उपरीक्षक मनोज केसीले चारजनालाई उपचारका लागि काठमाडौं पठाइएको जानकारी दिए।
इलाका प्रहरी कार्यालय बुटवलमा कार्यरत २८ वर्षका प्रहरी जवान जयप्रकाश थारु र दंगा प्रहरी नियन्त्रण सुनवलमा कार्यरत प्रहरी जवान यज्ञराज पुन मगर, सशस्त्र प्रहरी बल नेपाल नम्बर २८ गण कपिलवस्तुमा कार्यरत ३६ वर्षीय हवल्दार तिलकबहादुर धामी र ३६ वर्षका जवान खुसीराम चौधरीलाई काठमाडौं ल्याइएको हो। उनीहरुलाई सशस्त्र प्रहरी बल अस्पतालमा उपचार गरिने बताइएको छ।
आइतबार भएको दोहोरो झडपका क्रममा सशस्त्र, नेपाल प्रहरी र सर्वसाधारणसहित ७४ जना घाइते भएका थिए। सुरक्षाकर्मीहरुको गोली लागेर चारजनाको मृत्यु भएको थियो। उनीहरुको उपचारका लागि मृत्यु भएको हो। मोतीपुर औद्योगिक क्षेत्रको आसपास क्षेत्रमा ठूलो संख्यामा सोमबार पनि सुरक्षाकर्मीहरु परिचालन गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770630850.jpg)
-1764146706.png)
-1770562345.jpg)
