अब यस्तो हुँदैछ एमालेको सांगठनिक संरचना

राजनीति

नेपाल लाइभ आइतबार, असोज १७, २०७८ १६:५२

काठमाडौं– नेकपा एमालेको प्रथम विधान महाधिवेशनले सांगठनिक संरचना लगभग टुंग्याएको छ।

उपमहासचिव विष्णु पौडेलले पेस गरेको विधान संशोधन प्रस्तावमा प्राप्त सुझावहरुलाई समेटेर पार्टीको केन्द्रीय कमिटी, स्थायी कमिटी, पदाधिकारी तथा केन्द्रीय आयोग र विभागहरुको टुंगो लगाइएको छ।

जसअनुसार अब केन्द्री कमिटी २२५ सदस्यीय हुनेछ। स्थायी कमिटी ४५ सदस्यीय हुनेछ भने पदाधिकारीहरु १५ जना हुनेछन्। पार्टीमा ७ जना सचिव, १ जना उपमहासचिव, १ जना महासचिव, ४ जना उपाध्यक्ष, १ जना वरिष्ठ उपाध्यक्ष र १ जना अध्यक्ष हुनेछन्।

केन्द्रीय आयोगअन्तर्गत अनुशासन आयोगमा अध्यक्ष, उपाध्यक्ष र सचिवसहित १५ जना सदस्य रहनेछन्। निर्वाचन आयोगमा पनि अध्यक्ष, उपाध्यक्ष र सचिवसहितसहित १५ जना सदस्य रहनेछन्। लेखा आयोगमा पनि अध्यक्ष, उपाध्यक्ष र सचिवसहित १५ जना सदस्य रहनेछन्।

प्रदेश कमिटी ५० सदस्यीय बन्नेछ। प्रदेश कमिटीमा एक निर्वाचन क्षेत्र बराबर थप ५ जना सदस्य हुनेछन्। जिल्ला कमिटी पनि ५० सदस्यीय नै हुनेछ। जिल्ला कमिटीमा १ निर्वाचन क्षेत्र बराबर थप १५ जना सदस्य हुनेछन्।

पालिका कमिटी पनि ५० सदस्यीय नै हुनेछ। पालिका कमिटीमा १ वडा बराबर थप ५ जना हुनेछन्। वडा कमिटी भने ३१ सदस्यीय हुनेछ।

केन्द्रीय बाहेकका अन्य कमिटीहरुमा अध्यक्ष १ जना, उपाध्यक्ष १ जना, सचिव १ जना र उपसचिव २ जना हुनेछन्।

एमालेमा उपत्यका विशेष प्रदेश कमिटीको पनि व्यवस्था गरिएको छ।

सक्रिय जिम्मेवारीका हकमा ७० वर्षको उमेर हद हुनेछ। निर्वाचन भएपछि ७० वर्ष उमेर पुग्दा पनि त्यो कार्यकालभरी नेतृत्वमा नै रहन पाउने व्यवस्था पनि गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौं महानगरका ४९७ पसल अनुगमन गर्दा २० वटामात्रै मापदण्ड अनुसारका

लगानी जुटेसँगै मनाङ मर्स्याङ्दी जलविद्युत् आयोजना निर्माण सुरु

केन्द्रीय बैङ्कको अध्ययनः गण्डकीमा कृषि भूमि घट्यो