एमालेको प्रदेश कमिटीमा आधार संख्या ५०, एक निर्वाचन क्षेत्रका ५ जनाको दरले थप संख्या

राजनीति

नेपाल लाइभ आइतबार, असोज १७, २०७८ १४:१७

काठमाडौं- नेकपा एमालेको प्रदेश कमिटीको आकार परिमार्जित भएको छ। गत शुक्रबार उपमहासचिव विष्णु पौडेलले प्रस्तुत गरेको विधान संशोधन प्रस्तावमा आएको सुझावपछि आइतबार जवाफ दिँदै उनले नयाँ अंक प्रस्तुत गरेका हुन्।

अब प्रत्येक प्रदेशका लागि ५० जना आधार अंक हुने छ। त्यसपछि सो प्रदेशको प्रत्येक निर्वाचन क्षेत्रबाट ५ का दरले संख्या थपिने छ।

'उदाहरणका लागि कर्णाली प्रदेशमा १२ वटा निर्वाचन क्षेत्र छन्। त्यसैले सो प्रदेशमा निर्वाचन क्षेत्रबाट ६० जना हुनेछन्। ५० जना र ६० जोड्दा ११० जना सो प्रदेशको प्रदेश कमिटी हुनेछ', पौडेलले भने।

जारी महाधिवेशनमा उपमहासचिव पौडेलले विधान संशोधन प्रस्तावमाथि उठेका प्रश्न र आएका सुझावमाथि जवाफ दिइरहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौं महानगरका ४९७ पसल अनुगमन गर्दा २० वटामात्रै मापदण्ड अनुसारका

लगानी जुटेसँगै मनाङ मर्स्याङ्दी जलविद्युत् आयोजना निर्माण सुरु

केन्द्रीय बैङ्कको अध्ययनः गण्डकीमा कृषि भूमि घट्यो