काठमाडौं– नेकपा (माओवादी केन्द्र) का स्थायी समिति सदस्य वर्षमान पुन ‘अनन्त’लाई उपचारका लागि आज थाइल्याण्ड लगिने भएको छ।
सुमेरु अस्पतालमा उपचारत पुनको स्वास्थ्यमा सुधार नभएपछि बुधबार बिहान थाइल्याण्ड लैजान लगिएको स्वकीय सचिव सन्तोष पुनले जानकारी दिए। पुनलाई जन्डिसको लक्षण फेरि देखिएपछि उपचारका लागि विदेश लैजान लागिएको हो।
जन्डिस आफैंमा रोग होइन। यो कलेजोमा कुनै रोग तथा समस्या भएमा देखिने लक्षण हो। नेता पुनलाई लामो समयदेखि जन्डिसको लक्षण देखिँदै आइरहेको छ। यद्यपि उनमा के समस्याका कारण जन्डिसको लक्षण देखिएको हो भन्ने विषयमा भने अझै खुलाइएको छैन।
पुनका अनुसार मंगलबारसम्मको रिपोर्ट हेर्दा स्वास्थ्यमा कुनै सुधार हुने अवस्था नदेखिएपछि सुमेरु अस्पतालका चिकित्सकसँगको परामर्शमै थाइल्याण्ड लैजाने तयारी गरिएको हो। गत साता स्वास्थ्यमा समस्या देखिएपछि पुन अस्पताल भर्ना भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1698918398-1698987692.png)
-1764146706.png)
