ट्र्याक्टर दुर्घटनामा एक जनाको मृत्यु, अर्का घाइते

ब्लग

नेपाल लाइभ सोमबार, जेठ २८, २०७५ ०३:३७

राजविराज– सप्तरीको सुरुंगा नगरपालिका ६ मा गएराति ट्याक्टर दुर्घटना हुँदा एक जनाको मृत्यु भएको छ भने एक जना गम्भीर घाइते भएका छन्।

राति ९ बजे सुरुंगा ६ स्थित पूर्वपश्चिम राजमार्गमा पूर्व जाँदै गरेको स १ त ५४५६ नं को बालुवा लोड गरेको ट्याक्टर अनियन्त्रित भई पुलमा ठोक्किएर दुर्घटना भएको थियो।

दुर्घटनामा सहचालक सप्तरी खडक नगरपालिका ४ का १६ वर्षीय किरणकुमार राम र सोही ट्याक्टरमा सवार खडक ३ का सञ्जयकुमार चौधरी घाइते भएका थिए। दुवैलाई उपचारका लागि लहान अस्पताल लैजाने क्रममा सहचालक रामको बाटोमै मृत्यु भएको इलाका प्रहरी कार्यालय कडरवोनाले जनाएको छ।

ट्याक्टरका चालक फरार भएकाले खोजी भइरहेको सप्तरीका एसपी मुकेशकुमार सिंहले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनसेलको सेयर खरिद-बिक्रीविरुद्धको रिट सर्वोच्चद्वारा खारेज

लिपुलेकबारे भारत र चीनबीचको सहमतिले नेपाललाई कुनै प्रभाव पार्दैन : सरकारको निष्कर्ष

बीमा प्राधिकरणका अध्यक्ष नियुक्त गर्न सिफारिस समिति गठन