इन्धनको मूल्यवृद्धिको विरोध : 'महँगीको गोली, किन हान्छौ ओली?'

ब्लग

नेपाल लाइभ आइतबार, जेठ २७, २०७५ १०:२६

काठमाडौं- नेपाली कांग्रेस निकट नेपाल विद्यार्थी संघले पेट्रोलियम पदार्थको मूल्यवृद्धि फिर्ता लिन माग गर्दै विरोध प्रदर्शन गरेको छ।

नेविसंघका सभापति नैनसिंह महरको समूहले विश्वभाषा क्याम्पसबाट निकालेको विरोध र्‍याली पुतलीसडक, बागबजार हुँदै प्रदर्शनीमार्गमा आएर कोणसभामा परिणत भएको थियो। यसअघि शनिबार साँझ नेविसंघका महामन्त्री कुन्दनराज काफ्लेको समूहले पनि इन्धनको मूल्यवृद्धिको विरोधमा राजधानीमा मसाल जुलुस निकालेको थियो।

कोणसभालाई सम्बोधन गर्दै नेविसंघका नेताहरुले समृद्धिको नारा दिने ओली सरकारले पटकपटक मूल्यवृद्धिको भार थोपरिरहेको बताए। मूल्यवृद्धिको आन्दोलन पहिलो चरणको भएको बताउँदै विद्यार्थी नेताहरुले आन्दोलनलाई निष्कर्षमा पुर्‍याएरै छाड्ने बताए।

नेविसंघको विरोध प्रदर्शनका क्रममा रत्नपार्क आसपासका क्षेत्रमा केहीबेर यातायात अवरुद्ध भएको थियो।

ओली सरकार बनिसकेपछि पेट्रोल, डिजल र मट्टितेलको मूल्य चार पटक बढिसकेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सम्पदालाई न्यायोचित रुपमा प्रयोग गर्नुपर्छ : उपप्रधानमन्त्री सिंह

आचरसंहिता उल्लङ्घन गर्ने अनलाइन कालोसूचीमा

फ्रान्सले युक्रेन बिना नै युद्धबारे छलफलका गर्न चाहेको रूसी दावी