विकास बैंकहरूले एक सातामा ७३ करोडले बढाए निक्षेप, सवा ३ अर्ब लगानी

बैंक/बिमा/सेयर

नेपाल लाइभ मंगलबार, भदौ २९, २०७८ ११:३५

काठमाडौं- विकास बैंकहरुले एक साताको अवधिमै बचत (निक्षेप) सवा ७३ करोड रुपैयाँले बढाएका छन्। सोही अवधिमा कर्जा सवा तीन अर्बले बढाएका छन्।

डेभलपमेण्ट बैंकर्स एसोसिएसन अफ नेपालले दिएको जानकारीअनुसार यो साता १५ वटा विकास बैंकले सर्वसाधारणबाट ७३ करोड १४ लाख ३० हजार रुपैयाँ बचत संकलन गरेका छन्।

यससँगै विकास बैंकहरुले संकलन गरेको कूल निक्षेप चार खर्ब ८९ अर्ब २८ करोड १२ लाख रुपैयाँ पुगेको छ। अघिल्लो साता यस्तो रकम चार खर्ब ८८ अर्ब ५४ करोड ९८ लाख रुपैयाँ रहेको थियो। अघिल्लो साताको तुलनामा यो साता निक्षेको आकार ०.१५ प्रतिशतले बढेको एसोसिएसनले जानकारी दिएको छ।

यस्तै यो साता कर्जा लगानी तीन अर्ब १४ करोड ९९ लाख १० हजार रुपैयाँले बढाएका छन्। यससँगै १५ वटा विकास बैंकले प्रवाह गरेको कूल कर्जा रकम चार खर्ब ३६ अर्ब २३ करोड ५७ लाख रुपैयाँ पुगेको एसोसिएसनले जनाएको छ। अघिल्लो साता चार खर्ब ३३ अर्ब आठ करोड ५८ लाख रुपैयाँ रहेको कर्जाको आकार यो साता ०.७३ प्रतिशतले बढेको हो।

एसोसिएसनका अनुसार एक हप्ताको अवधिमा राष्ट्रियस्तरका विकास बैंकहरुको निक्षेप ०.२४ प्रतिशतले बढ्दा क्षेत्रीयस्तरका बैंकहरुको भने ०.३५ प्रतिशतले घटेको छ। यस्तै राष्ट्रियस्तरका विकास बैंकहरुको कर्जा ०.७९ प्रतिशत र क्षेत्रीयस्तरका विकास बैंकहरुको कर्जा ०.३८ प्रतिशतले बढेको छ।

नेपालमा हाल १८ वटा विकास बैंक सञ्‍चालनमा रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)