काठमाडौं- कृषि तथा पशुपंक्षी विकास मन्त्रालयले रसायनिक मलको मूल्य धेरै बढेकोले सरकारले निकासा गरेको बजेटअनुसार आवश्यक मल खरिद गर्न नसकिने बताएको छ।
सोमबार सिंहदरबारमा बसेको समितिको बैठकले रासायनिक मलको आपूर्ति, सञ्चिति र वितरणको अवस्थाका सम्बन्धमा भएको छलफलमा मन्त्रालयका सचिव डा कृष्णप्रसाद आचार्यले बजेटअनुसार आवश्यक मल खरिद गर्न नसकिने बताएका हुन्।
‘पछिल्लो बजेटबाट ३ लाख मेट्रिक्टन मल किन्ने भनिएको छ। अहिले मलको मूल्य अन्तर्राष्ट्रिय बजारमा पनि बढिरहेको छ। यस्तो अवस्थामा बजेटअनुसार आवश्यक मल खरिद गर्न सकिँदैन,’उनले भने।
आचार्यले अक्टोबरसम्म ७० हजार मेट्रिक्टन रासायनिक मल आइसक्ने बताए। उनले भारतसँग मल खरिदसम्बन्धी गरिएको सम्झौता अनुसार मल आयात भए मलको शंकट कम हुने बताए।
उनले भने,‘कहिलेकाहीँ नाकाको समस्याले मल खरिद गर्न समस्या परिरहेका छ। हामीलाई प्राप्त पछिल्लो जानकारीअनुसार युरिया १० हजार मेट्रिक्टन २० सेप्टेम्बरमा आउँदैछ भने सेप्टेम्बरको अन्तिमसम्ममा डिएपी ५ हजार मेट्रिक्टन उत्तरी नाकाबाट आउँदैछ, २० हजार मेट्रिक्टन युरिया आउने क्रममा छ, त्यस्तै २५ हजार मेट्रिक्टन १५ अक्टोबरमा आउनेछ।’
७० हजार मेट्रिक्टन मल अक्टोबरसम्म नेपालमा आउने अवस्थामा रहेको उनले जानकारी दिए। समितिको बैठकमा सांसदहरुले खरिद प्रक्रियामा सहजीकरण गर्नुपर्ने र सार्वजनिक खरिद ऐनले यसमा अफ्ठ्यारो पारिरहेको बताएका थिए।
बैठकमा रासायनिक मलको तत्कालीन समस्या कसरी हल गर्ने र यसबारेमा नीति, योजना बनाएर कार्यान्वयनमा लैजानुपर्ने धारणा राखेको थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
