नेप्सेमा सामान्य वृद्धि, ९ अर्ब २९ करोडको कारोबार

बैंक/बिमा/सेयर

नेपाल लाइभ सोमबार, भदौ २८, २०७८ १५:१९

काठमाडौं- नेपालको पुँजीबजार आज झिनो अंकले बढेको छ। गत साता लगातार उच्च अंकले घटेको पुँजीबजार आइतबार उच्च अंकले सुधार भएको थियो। साताको दोस्रो दिन सोमबार (आज) पनि बजार सकारात्मक बनेको हो।

सोमबार पुँजीबजार मापक परिसूचक नेप्से ०.२७ अंकले बढेर २९४७.७० विन्दुमा कायम भएको छ।

आज कारोबार रकम भने घटेको नेपाल स्टक एक्सचेञ्‍ज (नेप्से)ले जानकारी दिएको छ। नेप्सेका अनुसार सोमबार नौ अर्ब २९ करोड रुपैयाँ बराबरको कारोबार भएको छ। आइतबार नौ अर्ब ४४ करोड रुपैयाँ बराबरको कारोबार भएको थियो।

सोमबार कूल २२६ वटा कम्पनीका एक करोड ५६ लाख ८१ हजार १८४ कित्ता सेयर ९३ हजार २१८ पटक खरिद-बिक्री भएका थिए।

कारोबार भएकामध्ये आज ७६ वटा कम्पनीको मात्र सेयर मूल्य बढेको छ भने १०२ कम्पनीको मूल्यमा गिरावट आएको छ।

ठूला कम्पनीहरुको सेयर कारोबार मापन गर्ने सेन्सेटिभ परिसूचक पनि ०.५५ अंकले बढेर ५४८.८७ विन्दुमा उक्लिएको छ।

आज अजोड इन्स्योरेन्स कम्पनीको कारोबारमा सकारात्मक सर्किट लागेको थियो। कालिका पावर कम्पनीका लगानीकर्ताले सबैभन्दा धेरै प्रतिकित्ता ६.४७ प्रतिशतका दरले गुमाएका छन्।

आज अरुण भ्याली हाइड्रोपावर कम्पनी लिमिटेडको सेयर सबैभन्दा धेरै ६१ करोड ९३ लाख ५० हजार रुपैयाँ बराबरको कारोबार भएको थियो। सोही कम्पनीको सेयर सबैभन्दा धेरै आठ लाख ६८ हजार ८० कित्ता कारोबार भएको छ। युनाइटेड मोदी हाइड्रोपावर कम्पनीको सेयर सबैभन्दा धेरै तीन हजार ७६४ पटक किनबेच भएका थिए।

आज जलविद्युत्, लगानी, उत्पादन तथा प्रशोधन, माइक्रोफाइनान्स, म्युचुअल फण्ड तथा अन्य उपसमूहको परिसूचक गिरावट हुँदा बाँकी उपसमूहमा सकारात्मक बनेको नेप्सेले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)