काठमाडौं– निर्वाचन आयोगले दल विभाजनबारे बागमती प्रदेश सभालाई जानकारी गराएको छ। आयोगको पत्र प्रदेश सभा सदस्य तथा नेकपा (एकीकृत समाजवादी) का केन्द्रीय सदस्य राजेन्द्रप्रसाद पाण्डेलगायतको टोलीले आज (आइतबार) प्रदेश सभा सचिवालयमा दर्ता गराएको हो।
आयोगले उक्त पत्रमार्फत नेपाल कम्युनिष्ट पार्टी (एमाले) बाट निर्वाचित भएका १३ जना प्रदेश सभा सदस्यले नेकपा (एकीकृत समाजवादी) रोजेको जानकारी प्रदेश सभा सचिवालयलाई गराएको छ। राजनीतिक दलसम्बन्धी ऐन, २०७३ (दोस्रो संशोधन अध्यादेश, २०७८) र राजनीतिक दलसम्बन्धी नियामवली, २०७४ (दोस्रो संशोधन अध्यादेश, २०७८) को नियम ५ अनुसार एमालेबाट विभाजन भई नेकपा (एकीकृत समाजवादी) बनेको जानकारी गराइएको छ।
निर्वाचन आयोगले एकीकृत समाजवादी रोजेका प्रदेश सभा सदस्यहरुले राजनीतिक दलसम्बन्धी ऐन, २०७३ (दोस्रो संशोधन अध्यादेश २०७८) को दफा ३३(२क) बमोजिम दल त्याग गरेको नमानिने अवगत गराएको छ।
प्रदेश सभामा नयाँ दल सूचीकृत भएसँगै बागमती प्रदेश सभामा प्रतिनिधित्व गर्ने दलको सङ्ख्या सात पुगेको छ।
सभामा विभाजनपछि पनि ४३ सदस्यसहित नेकपा एमाले सबैभन्दा ठूलो दल छ भने नेकपा माओवादी केन्द्र २३ सदस्यसहित दोस्रो त्यस्तै २२ सदस्यसहित नेपाली कांग्रेस तेस्रो दलका रूपमा रहेको छ। नयाँ दल नेकपा (एकीकृत समाजवादी) १३ सदस्यसहित प्रदेश सभामा प्रतिनिधित्व गर्ने दलमध्ये चौथो दल बन्न पुगेको छ।
तीन सदस्य सङ्ख्यासहित प्रदेश सभामा यसअघि चौथो ठूलो दलका रुपमा रहेको विवेकशील साझा पाँचौँमा पुगेको छ। प्रदेश सभामा नेपाल मजदुर किसान पार्टी र राप्रपाको दुई/दुई जना सदस्य रहेका छन् भने स्वतन्त्रतर्फ एक सदस्य छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764508750.jpg)
-1764146706.png)
-1763721444.png)
-1763559424.jpg)
-1764080971.png)
