काठमाडौं- अहिले नेपामला अमेरिकी सहायता परियोजना एमसीसी (मिलेनियम च्यालेन्ज कर्पोरेसन)लाई स्वीकार गर्ने कि नगर्ने भन्ने बहस चलिरहको छ। देशैभर यो विषयमा आफ्ना आफ्ना टिकाटिप्पणी दिनेहरु छन्। दैनिक जसो विरोधका कार्यक्रम समेत भइरहेका छन्।
यसैबीच, महानायकको उपाधि पाएका कलाकार राजेश हमालले पनि यो विषयमा बोलेका छन्।
नेपालको कलाकारिता क्षेत्रमा प्रायः कलाकारहरु राजनीतिक विषयमा बोल्दैनन्। सामाजिक विषयमा केही मात्रामा आफ्नो तर्क दिएपनि राजनीतिक विषयमा भने कलाकारहरुको मौनता नै हुन्छ।
तर, हमालले भने एमसीसी लागू गर्न नहुने बताएका छन्। शुक्रबार मध्यरातमा आफ्नो सामाजिक सञ्जालमार्फत् भिडियो पोष्ट गर्दै हमालले नेपाली जनता यसको विरुद्धमा भएकाले यसलाई लागू गर्न नहुने बताएका हुन्।
भिडियोमा हमालले एमसीसी के कारणले लिन हुने वा नहुने भन्ने बारेमा स्पष्ट रुपमा आफ्नो धारणा नराखेपनि अमेरिकाको बिग्रँदो छविका कारण जनता यसको विरुद्धमा भएको र जनतालाई मान्य नहुने एमसीसी लागू गर्न नहुने बताएका छन्।
१० मिनेटको भिडियोमा उनले भनेका छन्, ‘अहिले जल्दोबल्दो विषय मिलेनियम च्यालेन्ज कर्पोरेसन अन्तर्गत अमेरिकाको सहयोग नेपाल भित्रिँदै छ। त्यसलाई लिएर नेपाली नागरिक, जनस्तरमा नेपाली नागरिक धेरै संवेदनशिला प्रकट गर्ने मात्रै नभएर आक्रोशको आवाज, विद्रोहको आवाज प्रकट गरेर विद्रोहमा उत्रिनु भएको छ। यसप्रति राज्य संवेदनशील हुन जरुरी छ।’
उनले नेपाली जनता एमसीसीविरुद्ध भएकाले यो विषयमा अमेरिकी निकायसँगै सम्बन्धित अन्य निकायले ध्यान दिनुपर्ने र संवेदनशील बन्नुपर्ने बताएका छन्।
उनले भनेका छन्, ‘नागरिकको भावनामा ठेस पुर्याएर, चित्त नबुझाई यसलाई लागू गरेमा त्यसले दूरगामी असर पनि पर्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779242627.png)
-1778551198-1778552039.jpeg)
-1764146706.png)
