लहान– सिरहाको बरियारपट्टिमा एक व्यक्तिले आफ्नै श्रीमतीको हत्या गरेका छन्।
बिहीबार बरियारपट्टि–३, बलुवा टोलका ४० वर्षीय परमेश्वर यादवले धारिलो हतियार प्रहार गरी आफ्नै श्रीमती ३५ वर्षीया सविताको हत्या गरेका जिल्ला प्रहरी कार्यलय सिरहाले जनाएको छ।
श्रीमतीको हत्या गरी परमेश्वर फरार भएकाले खोजी भइरहेको जिल्ला प्रहरी कार्यालय सिरहाका डिएसपी राजन भेटवालले बताए। घटनास्थलबाट भारतीय सिमा पुग्न ५ किलोमिटर मात्रै रहेकाले सिमा क्षेत्रमा सुरक्षा व्यवस्था कडा बनाइएको उनले जानकारी दिए। घटनाको कारण भने हालसम्म खुल्न सकेको छैन।
मृतकको शव पोष्टमार्टमका लागि जिल्ला अस्पताल सिरहा पठाइएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
