कालीगण्डकी दोहन रोक्न कविता अभियान

साहित्य डबली

नेपाल लाइभ बिहीबार, भदौ १०, २०७८ १६:०७

काठमाडौं- 'कालीगण्डकी बचाऔं अभियान'ले नदी संरक्षणमा बल पुग्ने भावका कविताको लागि स्रष्टाहरूलाई आह्वान गरेको छ।

काली नदीको अवैध दोहन भएको तथा नदी सभ्यता नै नामेट पार्न खोजिएको विरोधमा अहिले देशैभरिका कविहरुले कविता लखेका छन्। कालीगण्डकी बचाऔं अभियानका मूख्य अभियन्ता आरके अदीप्त गिरीका अनुसार पाँच दर्जन बढी कविहरूले यस अभियानको लागि कविता पठाइसकेका छन्।

'कविहरूले उत्साहपूर्वक कालीगण्डकी बचाउन कविता पठाउनुभएको छ’ गिरीले भने, 'अझै धेरैभन्दा धेरै स्रष्टाहरूलाई संरक्षण अभियानमा एक्येबद्धतासहित कविता पठाउन अनुरोध गरेका छौं।' उनका अनुसार प्राप्त कविताहरूलाई संकलन गरेर 'नदी सप्तक' नामक कवितासंग्रह नै तयार पार्ने लक्ष्य राखिएको छ।

कालिगण्डकीको मर्म, आस्था र सभ्यतालाई जोगाउन, प्राकृतिक प्रणाली रक्षा गर्न र नदीलाई आफ्नै बाटोमा बग्न दिन अब कवि/लेखकले आफ्नो कलम मार्फत शाशकलाई झक्झकाउनु पर्ने बेला आएको भन्दै अभियानले कालीगण्डकीले ओगटेका विविध विषय शीर्षकमा छोटो कविता (१५ देखि २० लाइनको) मार्फत एक्यवद्धता जनाइदिन अनुरोध गरेको छ।

यता कालीगण्डकी बचाऔं अभियानले आफ्नो अपिलपत्रमा भनेको छ, 'कालिगण्डकीको मर्म, आस्था र सभ्यतालाई जोगाउन, प्राकृतिक प्रणाली रक्षा गर्न र नदीलाई आफ्नै बाटोमा बग्न दिन अब कवि/लेखकले आफ्नो कलममार्फत शासकलाई झक्झकाउनुपर्ने बेला आएको छ । प्राप्त कविता हाललाई डिजिटल कन्टेन(पोस्टर कविता)का रुपमा फेसबुकमा पोस्ट गरिने छ।'

साथै अहिले कालीगण्डकीमाथि विभत्स दोहन चलाइएको र नदीको सभ्यता, पर्यावरण तथा जीविकामाथि गम्भीर संकट पर्ने काम गरिएकोमा अभियन्ताहरूले विगत केही महिनादेखि विरोधका विविध क्रार्यक्रम गरिरहेका छन्।

कविता पठाउने ठेगाना : [email protected] रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

निजी क्षेत्रको सम्मानले समृद्धिको ढोका खोल्छ : अध्यक्ष ढकाल

यो सरकार सुशासन र विकासको लागि बनेको हो,कुनै आन्दोलन आवश्यक छैन: प्रधानमन्त्री

शिक्षक महासंघ र सरकारबीच ५ बजे वार्ता हुने