न्यादी पावरको आईपीओ आजदेखि

बैंक/बिमा/सेयर

नेपाल लाइभ मंगलबार, भदौ १, २०७८ ०९:१०

काठमाडौं– न्यादी हाइड्रोपावर लिमिटेडले आज (मंगलवार) देखि आईपीओ निस्कासन गर्ने भएको छ। कम्पनीले प्रतिसेयर १ सय अंकित मूल्यका कुल १८ लाख कित्ता साधारण सेयर आयोजना प्रभावित स्थानीय बासिन्दा तथा संस्थापक सेयरधनीहरुलाई विक्री गर्न लागेको हो ।

प्रभावित क्षेत्र लमजुङ जिल्लाको मस्र्याङ्दी गाउँपालिका–३, ६, ७ र ८ का स्थानीय बासिन्दाका लागि ५ लाख कित्ता र सो क्षेत्रबाहेक लमजुङभरका स्थानीय बासिन्दाहरुका लागि १० लाख कित्ता सेयर विक्री गर्न लागेको हो।

बाँकी ३ लाख कित्ता भने कम्पनीले आफ्ना संस्थापक सेयरधनी बुटवल पावर कम्पनी र लमजुङ विद्युत् विकास कम्पनीका कर्मचारीका लागि विक्री गर्नेछ। यो आईपीओ छिटोमा भदौ १५ गतेसम्म विक्रीमा रहनेछ।

यस अवधिसम्म माग बमोजिम आवेदन नपरेमा भने ढिलोमा भदौ ३० गतेसम्म विक्रीमा हुने विक्री प्रबन्धकमा ग्लोबल आईएमई क्यापिटल लिमिटेडले जनाएको छ रहेको छ।

विक्री प्रबन्धकसँगै आईपीओ खरीदका लागि एनएमबी बैंकको बेशीसहर शाखा, सिभिल बैंकको भुलभुले शाखा तथा ग्लोबल आईएमई बैंकको बेशीसहर, उदिपुर, दोर्दी, भोर्लेटार, सुन्दरबजार र भोटेओडार शाखा कार्यालयबाट आवेदन दिन सक्नेछन्। कम्पनीका संस्थापक सेयरधनी संस्थाका कर्मचारीहरुले कम्पनीको कार्यालय, बुद्धनगरबाट आवेदन दिन सक्नेछन्।

लगानीकर्ताले न्यूनतम १० कित्तादेखि अधिकतम ५० हजार कित्तासम्म आवेदन दिन सक्नेछन्। कम्पनीले लमजुङ जिल्लामा ३० मेगावाट क्षमताको न्यादी जलविद्युत् आयोजना निर्माण गरिरहेको छ।

यस आयोजनको निर्माण लागत अनुमानित रू. ६ अर्ब ११ करोड ७७ लाख ५५ हजार रहेको छ। हाल कम्पनीमा संस्थापक सेयरधनी समूहबाट चुक्ताभएको ७३ प्रतिशत स्वामित्व रू. १ अर्ब ९ करोड ५० लाख रहेको छ। कम्पनीले संस्थापक सेयरधनी तथा कर्मचारी र स्थानीय सहित सर्वसाधारणमा २७ प्रतिशत सेयर विक्री गर्नेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

निजामतीमा जनसंख्याको आधारमा आरक्षण हुनुपर्ने आदिवासी जनजाति र मधेसी आयोगको माग

राष्ट्रपतिसमक्ष महान्यायाधिवक्ताको वार्षिक प्रतिवेदन पेस

जाडोमा हात, गोडा, औंला किन सुन्निन्छ? कसरी जोगाउने?