घुससहित पक्राउ परेका इञ्जिनियरले पाए सफाइ

ब्लग

नेपाल लाइभ बुधबार, जेठ २३, २०७५ ११:०६

काठमाडौं- १ लाख २० हजार घुससहित पक्राउ परेका डिभिजन सडक कार्यालय नुवाकोटका इञ्जिनियर लालसिंह ऐरीलाई विशेष अदालतले सफाइ दिएको छ।

न्यायाधीशहरु बाबुराम रेग्मी, प्रमोदकुमार श्रेष्ठ वैद्य र नारायणप्रसाद पोखरेलको इजलासले उनलाई निर्दोष ठहर गरेको हो।

७ लाख ६४ हजारमा ठेक्का पाएर सडक मर्मतको काम सम्पन्न भएपछि कार्यालयबाट रकम भुक्तानी लिन आएका ठेकेदारसँग इञ्जिनियर ऐरीले घुस लिएको भन्दै अख्तियार दुरुपयोग अनुसन्धान आयोगले विशेषमा मुद्दा दायर गरेको थियो। २०७२ असार ८ गते अख्तियारले मुद्दा दायर गरेको थियो।

विशेषले अख्तियारले घुस लिएको आरोप लगाए पनि इञ्जिनियरले अस्वीकार गरेको भन्दै सफाइ दिने फैसला सुनाएको हो।

अदालतमा झुटो बयान दिएको आरोपमा १५ दिनपछि भ्रष्टाचार मुद्दा दायर गरिएका सविर राईलाई पनि विशेषले सफाइ दिएको छ। उनले अदालतमा दिएको बयानका आधारमा दोषी ठहर गर्न नमिल्ने भन्दै विशेषले सफाइ दिएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय महिला फुटबल टोलीको मुख्य प्रशिक्षकको लागि आवेदन खुला

राजस्व बढ्ने आधार छैन, रुग्ण आयोजनाका बजेट व्यापक कटौती गर्नुपर्छ : योजना आयोग

सरकारले तोक्यो यि ४ स्वास्थ्य विज्ञान प्रतिष्ठानमा निमित्त उपकुलपति