ट्याक्टरको ठक्करबाट १ जना महिलाको मृत्यु, १ घाइते

ब्लग

नेपाल लाइभ मंगलबार, जेठ २२, २०७५ ०५:२८

उर्लाबारी– मोरङको रंगेली नगरपालिका–८ मा सोमबार साँझ ट्याक्टरको ठक्करबाट मोटरसाइकलमा सवार एक महिलाको मृत्यु भएको छ।

को२त ५०६७ नम्बरको ट्र्याक्टरले को२प १३९७ नम्बरको मोटरसाइकललाई ठक्कर दिँदा मोटरसाइकलको पछाडि सवार कटहरी गाउँपालिका बस्ने ४० वर्षीया लतिया पासवानको घटनास्थलमै मृत्यु भएको इलाका प्रहरी कार्यालय रंगेलीले जनाएको छ।

स्थानीय चिसाङ खोलाबाट बालुवा लिएर आउँदै गरेको ट्याक्टरले रंगेली–दोहमना सडकखण्डमा उक्त मोटरसाइकललाई ठक्कर दिएको थियो। ट्याक्टरको ठक्करबाट मोटरसाइकलका चालक सोही ठाउँका ५० वर्षीय पुरुषोत्तम रिजाल सामान्य घाइते भएका छन्। उनको रंगेली अस्पतालमा उपचार भइरहेको छ।

ठक्कर दिने ट्याक्टर र त्यसका चालकलाई इलाका प्रहरी कार्यालय, रंगेलीले नियन्त्रणमा लिएको छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भीम रावललाई एकीकृत समाजवादीमा आउन महासचिव भुसालको आह्वान

देश र जनतालाई केन्द्रमा राखेर कामलाई अघि बढाऔं : सभापति देउवा

त्रिविका १४ हजारभन्दा बढी विद्यार्थी दीक्षित