चारकिलोमा पहिरो जाँदा नारायणगढ–मुग्लिन सडक एकतर्फी सञ्चालनमा

ब्लग

नेपाल लाइभ मंगलबार, जेठ २२, २०७५ ०५:२२

भरतपुर– चितवनको नारायणगढ—मुग्लिन सडकखण्ड अन्तर्गत चारकिलो भन्ने स्थानमा आज बिहान ४ः५५ बजे पहिरो खस्दा सडक एकतर्फी रुपमा मात्र सञ्चालन भएको छ।

राति परेको पानीका कारण यहाँ पहिरो खसेको हो। अहिले पनि सो क्षेत्रमा पानी पर्ने क्रम रोकिएको छैन। चितवनका ट्राफिक प्रहरी प्रमुख तथा प्रहरी निरीक्षक सन्तोष पन्तका अनुसार अहिले पहिरो पन्छाउनका लागि स्काभेटर पठाइएको छ।

इच्छाकामना गाउँपालिका–६ स्थित चारकिलो भन्ने स्थानमा २ दिन अघि मात्रै पहिरो खस्दा ३ घण्टा यातायात अवरुद्ध हुन पुगेको थियो। यहाँ पटकपटक पहिरो खस्ने गर्छ।

अहिले रात्रिकालीन गाडीको चाप रहेकाले ती गाडी कटाएर पहिरो पन्छाइने पन्तले बताए। नरायणगढ—मुग्लिन सडकखण्ड चौडा पार्ने काम अहिले अन्तिमतिर पुगे पनि भित्तो काटिएको क्षेत्रमा बेलाबेलामा पहिरो खस्ने गर्छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

देश र जनतालाई केन्द्रमा राखेर कामलाई अघि बढाऔं : सभापति देउवा

त्रिविका १४ हजारभन्दा बढी विद्यार्थी दीक्षित

आइएमईबाट रकम पठाई विजेता बनेकी प्रमिला रोकायालाई आइएमई ग्रुपले दियो १ करोड